ՀԱՊՀ Վանաձորի մասնաճյուղում տեղի ունեցավ «Արմաթն օդում» ԱԹՍ-ների կրթական աշխատանոցի բացումը՝ Առաջատար տեխնոլոգիաների ձեռնարկությունների միության նախաձեռնությամբ։ «Արմաթն օդում» (Armath Airborne) անօդաչու թռչող սարքերի (ԱԹՍ) կրթական աշխատանոցի ծրագիրն «Արմաթ» ինժեներական լաբորատորիաների ծրագրի զարգացման ուղղություն է:  Այն իրականացվում է ԱՏՁՄ-ը՝ «Ինստիգեյթ Ռոբոտիքս» ընկերության կողմից մշակված մեթոդաբանությանը համապատասխան: Աշխատանոցները նախատեսված են լինելու 15-18 տարեկան տղաների և աղջիկների համար։ Դրանցում պատանիները ստանալու են անօդաչու թռչող սարքերի աշխատանքի տեսական գիտելիքներ, յուրացնելու են դրանց նախագծման ու պատրաստման, ծրագրային ապահովման, տեխնիկական սպասարկման և կառավարման առանձնահատկությունները։ «Արմաթն օդում» ԱԹՍ աշխատանոցների կրթական ծրագրում ընդգրկված են և՛ պտուտակավոր, և՛ թևավոր ԱԹՍ-ները։

Ողջույնի խոսքով հանդես եկավ «Արմաթ» ծրագրի ղեկավար Սեդրակ Վարդանյանը, ով նշեց, որ կարևոր է խթանել բարձր տեխնոլոգիական ոլորտի առանձին ուղղության՝ ավիացիոն ճարտարագիտության նկատմամբ հետաքրքրությունը աշակերտների և ուսանողների շրջանակում՝ մեջբերելով հայտնի խոսքերը, որ պատերազմում հաղթում են դեռ աշակերտական սեղանից։ «Արմաթն օդում» ծրագրի համակարգող Խաչատուր Թադևոսյանը ներկայացրեց լաբորատորիայի ստեղծման կարևորությունը, հագեցվածությունն ու կատարվելիք գործողությունները և Պոլիտեխնիկի բակում իրականացրեց անօդաչու թռչող սարքի փորձնական թռիչք։

ՀԱՊՀ Վանաձորի մասնաճյուղի տնօրեն Արմեն Խառատյանը ողջունեց հյուրերին, երախտիքի խոսք ասեց աշխատանոցի բացման կապակցությամբ և նշեց, որ Մասնաճյուղի առաքելություններից մեկը նորաստեղծային տեխնոլոգիաների զարգացումն է և այդ տեսակետից կարևորեց «Արմաթն օդում» լաբորատորիայի բացումը՝ ՀԱՊՀ Վանաձորի մասնաճյուղում։ Մեր կրթօջախը մշտապես պատրաստակամ է աջակցել ինժեներական մտքի և ծրագրերի իրականացմանն ուղղված բոլոր նախաձեռնություններին:

Հյուրերի շարքում էին ՀՀ Լոռու մարզի Կրթության, մշակույթի և սպորտի վարչության պետի տեղակալ Արփինե Մատինյանը, ՀՀ Լոռու մարզի Զարգացման ծրագրերի զբոսաշրջության և վերլուծության բաժնի պետ Հասմիկ Մկրտչյանը,  Վանաձորի համայնքապետարանի Աշխատակազմի քարտուղարի պաշտոնակատար Դավիթ Հակոբյանը, Զարգացման ծրագրերի, արտաքին կապերի և տեղեկատվական տեխնոլոգիաների բաժնի պետ Լիլյա Դավթյանը, համայքնի ղեկավարի օգնական Արայիկ Նիազյանը, ՎՏԿ կրթական և ինժեներական ծրագրերի համակարգող և «Արմաթ» ինժեներական լաբորատորիաների մարզային համակարգող Եղիշե Սաֆարյանը, ՎՏԿ ծրագրերի համակարգող Աննա Հովհաննիսյանը, «Ինստիգեյթ մոբայլ» ընկերության Վանաձորի  մասնաճյուղի ղեկավար Սամվել Պետրոսյանը, գործընկեր կազմակերպությունների տնօրենները և այլ հյուրեր։

ՀԱՊՀ Վանաձորի մասնաճյուղի ավագ դպրոցի աշակերտները ողջունեցին հյուրերին իրենց ասմունքով, երգով ու հեզաճկուն պարերով։ Մասնաճյուղի ավագ դպրոցի Արմաթ ինժեներական լաբորատորիայի սան, բազում հաջողություններ գրանցած աշակերտուհի Մարգարիտա Համբարյանը ողջունեց հյուրերին և իր ոգևորող ելույթով կոչ արեց աշակերտներին իրենց գիտելիքն ու եռանդը ներդնեն ի նպաստ հայրենիքի։

ՀԱՊՀ Վանաձորի մասնաճյուղը համագործակցության պայմանագիր է կնքել “Ապոլլոն Լաբ” ընկերության հետ, որը մասնագիտացած է կայքերի նախագծման, ստեղծման և դիզայնի մշակման մեջ։ Հիմնական գործունեությունը խոշոր առցանց խանութների և պորտալների զարգացումն է:

Ընկերության նպատակը աշխատանքի բարձր արդյունավետությունն է, ինչպես նաև աջակցել պատվիրատուներին՝ առաջատար տեխնոլոգիաների միջոցով՝ մշտապես առաջարկելով ժամանակի լավագույն լուծումները:

Համաձայն բուհի և ընկերության համագործակցության՝ “Ծրագրային ճարտարագիտություն” մասնագիտության ուսանողները հնարավորություն կունենան պրակտիկան իրականացնել Ապոլոն Լաբում, իսկ լավագույն ուսանողները հետագայում կտեղավորվեն աշխատանքի։

          ՀԱՊՀ Վանաձորի մասնաճյուղը հյուրընկալեց  «Դասավանդի՛ր  Հայաստան» ծրագրի ներկայացուցիչներին, ովքեր ներկայացրին «Դասավանդի՛ր Հայաստան» ծրագրի առաքելությունը, դիմելու կարգը և հետագա գործունեությունը։  «Դասավանդի՛ր, Հայաստան» հիմնադրամը կարևորում է կրթության հասանելիությունը ինչպես դպրոցական, այնպես էլ բուհական մակարդակում և տրամադրում է ուսման վարձավճարը ամբողջապես փոխհատուցող կրթաթոշակ` բակալավրիատում և մագիստրատուրայում սովորող ավարտական կուրսի այն ուսանողների համար, ովքեր ունեն բարձր առաջադիմություն և պատրաստակամ են տվյալ կրթական աստիճանն ստանալուց անմիջապես հետո միանալ «Դասավանդի՛ր  Հայաստան»-ի Առաջնորդության զարգացման երկամյա ծրագրին։

Տարիների համագործակցության փորձը ցույց է տվել, որ Պոլիտեխնիկի շրջանավարտներն իսկապես առանձնացել են իրենց մասնագիտական որակներով, կարողություններով և ստեղծագործական ունակություններով: Նշենք, որ բացի դասավանդվող առարկաներից՝ ունակ են ղեկավարել նաև ռոբոտաշինական, ձեռնարկատիրական և այլ խմբակներ:

Այս ծրագրի ծրջանակներում ուսանողները հնարավորություն ունեն կերտելու իրենց կարիերան, դառնալու կայացած մասնագետներ, փայլուն առաջնորդական հմտություններով ուսուցիչներ: «Դասավանդի՛ր Հայաստան» ծրագիրը հավաքագրում և վերապատրաստում է համալսարանների շրջանավարտներին որպես ուսուցիչ-առաջնորդներ, այնուհետև երկու տարով գործուղում՝ Հայաստանի մարզային դպրոցներ։ Ծրագրի առանձնահատկությունն այն է՝ պարտադիր չէ, որ մասնակիցը մասնագիտությամբ լինի մանկավարժ, միայն հարկավոր է ունենալ դասավանդելու և Հայաստանի զարգացմանը նպաստելու ցանկություն, մյուս խնդիրները, ինչպիսիք են վերապատրաստումը, տեղավորումը մարզային դպրոցներում, վարձատրությունը լուծում է ծրագիրը: «Դասավանդի՛ր Հայաստան» ծրագիրն ունի մի գերնպատակ՝ հավասար կրթական հնարավորությունների ստեղծում բոլոր երեխաների համար։

Հուսով ենք, որ ՀԱՊՀ Վանաձորի մասնաճյուղի ուսանողներն իրենց որոշակի ներդրումը կունենան այս ծրագրում՝ կիրառելով իրենց համալսարանական գիտելիքները:

ՀԱՊՀ Վանաձորի մասնաճյուղի տնօրենը, Որակի ապահովման և վերահսկման բաժնի վարիչը, արտաքին կապերի համակարգողը, դասախոսները և ուսանողները մասնակցություն ունեցան Հայաստանում Էրազմուս+ ծրագրի ազգային գրասենյակի կողմից մեկնարկած էրազմուս+ ծրագրի 2022թ․ առաջարկների ներկայացման մրցույթին (https://bit.ly/3pbhqeO)՝ նվիրված Տեղեկատվական օրերին։ Հանդիպումը տեղի ունեցավ Վանաձորի տեխնոլոգիական կենտրոնում:

Միջոցառման ընթացքում ներկայացվեց բուհերի պրոֆեսորադասախոսական կազմի և ուսանողների համար հասանելի դրամաշնորհային հնարավորությունները։ Միջոցառմանը ներկա էին Էրազմուս+ բարձրագույն կրթության փորձագետները, ինչպես նաև այլ համալսարանների ներկայացուցիչներ, ովքեր իրենց բուհերում կազմակերպում և իրականացնում են Էրազմուս+ շարժունության և կարողությունների զարգացման ծրագրեր։

Հանդիպման ընթացքում Էրազմուս+ ազգային գրասենյակի համակարգող Լանա Կառլովան և Ծրագրի պատասխանատու Վարդ Ղուկասյանը մանրամասն ներկայացրին ընթացիկ տարվա համար հասանելի ծրագրերը, որոնք միտված են Կարողությունների զարգացմանը, Միջազգային կրեդիտային փոխանակմանը, Վիրտուալ փոխանակումներին, Էրազմուս Մունդուս համատեղ մագիստրոսական ծրագրերին, ինչպես նաև՝ Էրազմուս Մունդուս նախագծերին։

Էրազմուս+ տեղեկատվական օրերի նպատակն է խրախուսել փորձի փոխանակում Էրազմուս+ իրականացնող բուհերի և անհատների միջև, խթանել ծրագրում դեռևս չընդգրկված բուհերին, ինչպես նաև հարթակ հանդիսանալ հարց ու պատասխանների համար։

ՀԱՊՀ Վանաձորի մասնաճյուղի ավագ դպրոցի աշակերտները և ուսանողները հանդիպումունեցան «ԻնստիգեյթՄոբայլ» և «Ինստիգեյթ Կիսահաղորդիչներ»  ընկերությունների ներկայացուցիչների հետ, որոնց շարքում կային նաև մեր շրջանավարտները, ովքեր եկել էին կիսվելու իրենց փորձով և հաջողություններով: Ընկերության ղեկավարները ներկայացրին իրենց ընկերությունները, տարածաշրջանային ռազմավարությունը, պատմեցին ծրագրի առաքելության, նպատակների մասին, բացատրեցին դասընթացի տեխնիկական մանրամասները, մասնակցության կարգն ու պայմանները։ Նշեցին նաև, որ մտադիր են իրականացնել դասընթացներ բոլոր նրանց համար, ովքեր ցանկանում են առաջին քայլը կատարել տեղեկատվական տեխնոլոգիաների ոլորտում՝ Վանաձոր քաղաքում։ Դասընթացները կազմակերպվելու են անվճար, իսկ լավագույն շրջանավարտները հնարավորություն կունենան աշխատանք ձեռք բերել հենց Վանաձոր քաղաքում։

Դասընթացների մասնակիցները դասերի ավարտից հետո ձեռք են բերում համակարգչային գիտության և ծրագրավորման վերաբերյալ հիմնարար գիտելիքներ, ալգորիթմական մտածելակերպ և խնդիրների արդյունավետ լուծման կարողություններ, աբստրակցիայի,  տվյալների կառուցվածքների, ինկապսուլյացիայի, ռեսուրսների կառավարման, անվտանգության, ծրագրային ապահովման ճարտարագիտության և վեբ տեխնոլոգիաների բազային գիտելիքներ, անհատական և թիմային աշխատանքի հմտություններ, ծրագրավորման մի շարքլեզուներ (C++, JavaScript, HTML), VLSI design flow, Verilog հիմունքներ։

Հանդիպման ժամանակ ներկայացվեց նաև Հայաստանում ՏՏ ոլորտի պատմությունը, զարգացումն ու հեռանկարները, առանձնահատկությունները, խոսվեց ՏՏ աշխատաշուկա մտնելու անհրաժեշտ նախապայմանների և գիտելիքների մասին։ Հանդիպման ընթացքում ընկերության ներկայացուցիչները պատասխանեցին ուսանողներին հետաքրքրող բոլոր հարցերին։

Նշվեց, նաև որ ընկերության և Մասնաճյուղի սերտ կապը ունի տարիների պատմություն և մեծ կարևորություն է տրվում այդ արդյունավետ համագործակցությանը: Ընկերությունում գերակշիռ մաս են կազմում Մասնաճյուղի ուսանողներն ու շրջանավարտները, որը կունենա շարունակական և պարբերաբար թարմացվող բնույթ:

Շնորհակալություն ենք հայտնում «Ինստիգեյթ Մոբայլ» և «Ինստիգեյթ Կիսահաղորդիչներ» ընկերություններին՝ մեզ այցելելու համար:

Գիտելիքի և դպրության տոնին ՀԱՊՀ Վանաձորի մասնաճյուղի բակում տեղի ունեցավ հանդիպում ավագ դպրոցի 10-րդ դասարանի աշակերտների, բակալավրի և մագիստրատուրայի առաջին կուրսեցիների հետ: Սեպտեմբերի 1-ին Պոլիտեխնիկում ազդարարվեց ուսումնական տարվա սկիզբը՝ գիտելիքներով հարստանալու, իրական արժեքներ ճանաչելու և նոր նպատակներ կյանքի կոչելու նպատակով: Միջոցառման սկզբում հնչեց ՀՀ օրհներգը և Պոլիտեխնիկի հիմնը:

Մեկ րոպե լռությամբ հոտնկայս հարգեցինք 44-օրյա պատերազմի զոհերի հիշատակը:

Առանձնակի շնորհավորեցինք բոլոր նրանց, ովքեր առաջին անգամ էին գտնվում ՀԱՊՀ Վանաձորի մասնաճյուղում և նրա ավագ դպրոցում: Նշենք, որ այս տարին հոբելյանական է, քանի որ Մասնաճյուղի ավագ դպրոցի հիմնադրման 25-ամյակն է: Այս կապակցությամբ ավագ դպրոցի սաները իրենց ելույթներով ողջունեցին և առավել արժևորեցին տոնական օրը:

Գիտելիքի տոնի կապակցությամբ ուսանողներին շնորհավորեց ՀԱՊՀ Վանաձորի մասնաճյուղի տնօրեն ԱրմենԽառատյանը. «Շնորհավորում ենք ձեզ Գիտելիքի և դպրության օրվա առթիվ: Այսօր մենք պետք է գնահատենք գիտելիքի կարևորությունն ինչպես յուրաքանչյուրիս բարեկեցության, այնպես էլ պետության զարգացման ու հզորացման գործընթացում: Դուք ընդունվել եք Հայաստանի հզորագույն ճյուղային կառուցվածք ունեցող ինժեներական բուհը, որն ունի միջազգային հավատարմագրում: Մեր բուհը կրթական բարեփոխումների առաջնեկն է Հայաստանում, ուստի դուք ունեք լայն հնարավորություններ կերտելու ձեր ապագան և կարիերան»:

Ուսանողներին և աշակերտներին շնորհավորեց նաև ՀԱՊՀ Վանաձորի մասնաճյուղի ավագ դպրոցի տնօրեն Լուսինե Սարգսյանը, ով ներկայացրեց Պոլիտեխնիկի ավագ դպրոցի աշակերտների հաջողության ուղին և ոգևորեց վերջիններիս լինել առաջադեմ, նպատակասլաց և հեռանկարային:

Շնորհավորանքներին միացան ավագ դպրոցի փոխտնօրեն Հասմիկ Հովհաննիսյանը, ուսանողական խորհրդի նախագահի տեղակալ Էդգար Ասատրյանը:

Ավագ դպրոցի տնօրինությունը բարձր առաջադիմություն ցուցաբերած աշակերտներին հանձնեց գովասանագրեր:

Միջոցառման ավարտից հետո Մասնաճյուղում մեկնարկեց 2020-2021 տարվա ուսումնական գործընթացը:

Մեկնարկել է ՀԱՊՀ Վանաձորի մասնաճյուղի 2021/2022 ուստարվա մագիստրոսական կրթական ծրագրով՝ տնտեսագիտություն և շինարարություն մասնագիտությունների փաստաթղթերի ընդունելության գործընթացը։ Փաստաթղթերն ընդունվում են հունիսի 7-ից (աշխատանքային օրեր), օգոստոսի 25-ը ներառյալ՝ ժամը 09։00-16։00:

Դիմորդը դիմում-հայտի հետ ներկայացնում է՝

• բակալավրի, դիպլոմավորված մասնագետի կամ մագիստրոսի դիպլոմների և դրանց ներդիրների բնօրինակի պատճենը,
• երաշխավորագիր,
• 4 հատ լուսանկար (3×4սմ),
• անձնագիր (բնօրինակ և պատճեն),
• փաստաթուղթ զինվորական ծառայության առնչության մասին (բնօրինակ և (1-4, 16-19 էջերի պատճեն)),
• սահմանված կարգով հաստատված տպագրված գիտական աշխատությունների ցուցակ (առկայության դեպքում),
• փաստաթղթերն ընդունելու, մշակելու և ձևակերպելու համար 1500 ՀՀ դրամ վճարելու վերաբերյալ անդորրագիրը: (ՀԱՊՀ Վանաձորի մասնաճյուղ, Հասցե՝ ք. Վանաձոր, Գրիգոր Լուսավորիչ 40 | «ԿոնվերսԲանկ» ՓԲԸ «Վանաձոր» մասնաճյուղ Հ/Հ 1930009059530100)

Բոլոր հարցերով դիմել`  ք.Վանաձոր, Շինարարների փող. 12, ՀԱՊՀ Վանաձորի մասնաճյուղ, հեռ. 5-69-29, 5-68-25:

ՀԱՊՀ Վանաձորի մասնաճյուղի ընդունող հանձնաժողով

ՏՆՏԵՍԱԳԻՏՈՒԹՅՈՒՆ

ԾՐԱԳՐԱՅԻՆ ՃԱՐՏԱՐԱԳԻՏՈՒԹՅՈՒՆ

ՇԻՆԱՐԱՐՈՒԹՅՈՒՆ

ՏՐԱՆՍՊՈՐՏԱՅԻՆ ՀԱՄԱԿԱՐԳԵՐ

ՄԵՔԵՆԱՇԻՆՈՒԹՅՈՒՆ ԵՎ ՆՅՈՒԹԵՐԻ ՄՇԱԿՈՒՄ

Դիմորդներն առաջին փուլի միասնական քննությանը մասնակցելու համար ընդունելության դիմում-հայտը ներկայացնում են առցանց` Գնահատման և թեստավորման կենտրոնի dimord.am կայքում՝ ապրիլի 15-ից մայիսի 10-ը՝ մինչև ժամը 18:00-ն ներառյալ:

2-րդ փուլը՝ հունիսի 26-ից հուլիսի 1-ը՝ մինչև ժամը 17։00-ն:

Լրացուցիչ փուլը – հուլիսի 19-26-ը մինչև ժամը 18:00-ն:

Դիմորդները բուհում կստանան անհրաժեշտ օժանդակություն` առցանց հայտը լրացնելու

հարցում:

Կատարվում է նաև ընդունելություն հետևյալ մագիստրոսական կրթական ծրագրերով՝

ՏՆՏԵՍԱԳԻՏՈՒԹՅՈՒՆ

ՇԻՆԱՐԱՐՈՒԹՅՈՒՆ

Կատարվում է նաև ընդունելություն ՀԱՊՀ Վանաձորի մասնաճյուղի ավագ դպրոցում՝ 10-12-րդ դասարանցիների համար:

Հայաստանի ազգային պոլիտեխնիկական համալսարանը եվրոպական հավատարմագրում անցած առաջատար տեխնոլոգիական համալսարան է:

Ունենք արդյունավետ համագործակցություն ՏՏ և կա­պի ոլորտի գործընկերների հետ` Վանաձորի տեխնոլոգիական կենտրոնի, կենտրոնում գործող ընկերությունների, Ինստիգեյթի և այլ ընկերությունների հետ: Տեխնոլոգիական կենտրոնի բոլոր լաբորատորիաները և լսարանները համագործակցության համաձայնագրի հիման վրա տրամադրվում են Պոլիտեխնիկի ուսանողներին և դասախոսներին:

Բոլոր հարցերով դիմել`  ք.Վանաձոր, Շինարարների փող. 12, ՀԱՊՀ Վանաձորի մասնաճյուղ, հեռ. 5-69-29, 5-68-25, ավագ դպրոցի համար՝ նաև +374 91 61 55 06:

ՀԱՊՀ Վանաձորի մասնաճյուղի ընդունող հանձնաժողով

ՀԱՊՀ Վանաձորի մասնաճյուղը հրավիրում է ուսանելու

ՀԱՊՀ Վանաձորի մասնաճյուղում 95 (27 անվճար, 68 վճարովի) տեղի համար դիմել է 85 դիմորդ, որից ընդուվել է 60-ը:

27 անվճար տեղերից լրացվել են 26-ը, վճարովի 68 տեղերից` 34-ը:

Ըստ մասնագիտությունների ներկայացված է աղյուսակում:

ՀԱՊՀ Վանաձորի մասնաճյուղի ընդունող հանձնաժողովի պատասխանատու քարտուղար՝ Աշոտ Գյուրջինյան: