Հայաստանի Ազգային Պոլիտեխնիկական Համալսարանի

Պետրոս Մելքոնյանի անվան Վանաձորի մասնաճյուղ

Ժամանակակից լաբորատոր բազա

ՀԱՊՀ Վանաձորի մասնաճյուղի լաբորատոր պայմանները թույլ են տալիս ուսանողներին՝ կատարել արդյունավետ հետազոտություններ
Մանրամասն 

Հարուստ պատմություն

ՀԱՊՀ Վանաձորի մասնաճյուղը հիմնադրվել է 1959թ. և մինչ այժմ տվել է շուրջ 9000 շրջանավարտ
Մանրամասն 

Միջազգային ծրագրեր

ՀԱՊՀ Վանաձորի մասնաճյուղը եվրոպական համալսարանների ցանցի անդամ է և ունի բազմաթիվ համագործակից բուհեր ամբողջ աշխարհում
Մանրամասն 

ՀԱՊՀ Վանաձորի մասնաճյուղի գնումների և տնտեսավարման բաժնի վարիչը, Էրազմուս+ միջազգային կրեդիտային անձնակազմի շարժունության ծրագրի շրջանակներում, ապրիլի 4-ից 8-ը գործնական այց կատարեց  Կրետեի տեխնիկական համալսարան՝ մասնակցելով աշխատակիցների վերապատրաստման դասընթացին։ Կրետեի տեխնիկական համալսարանը երիտասարդ համալսարան է, որն ունի հստակ առաքելություն՝ նպաստել հասարակությանը գիտակրթական հետազոտությունների միջոցով: Այն ունի ավելի քան 70 լաբորատորիաներ՝ ժամանակակից սարքավորումներով, բարձր տեխնոլոգիական ենթակառուցվածքով և բարձր որակավորում ունեցող անձնակազմով: Կրետեի տեխնիկական հալսարանի աշխատակիցների հետ կազմակերպված հանդիպման ժամանակ մանրամասն ներկայացվեց ՀԱՊՀ-ն, զուգահեռներ անցկացվեցին ՀԱՊՀ-ի և  Կրետեի տեխնիկական համալսարանի միջև։ Ընդգծվեց երկու առաջատար տեխնիկական բուհերի կարևորությունը տնտեսության զարգացման և գիտատեխնիկական առաջընթացի համար, ինչպես նաև Էրազմուս+ ծրագրին մասնակցության կարևորությունը բուհերի զարգացման գործում։

ՀԱՊՀ աշխատակցի վերապարտաստումը իրականացվեց Կրետեի տեխնիկական համալսարանի երեք բաժիններում՝ գնումների կազմակերպման, գույքի կառավարման և տնտեսավարման։

Գույքի կառավարման բաժնում ծանոթացանք  համալսարանի կողմից բացված կազմակերպության լիազորությունների և գործունեության հետ, որը զբաղվում է համալսարանին պատկանող գույքի տնօրինմամբ:

Գնումների բաժնում ներկայացվեցին  եվրոպական գիտահետազոտական ծրագրերի և պետության կողմից  համալսարանին  տրամադրված դրամական միջոցներով գնումների պլանավորմումն ու կազմակերպումը։ Գործընկերների հետ քննարկվեցին Հայաստանում և Հունաստանում գնումների կազմակերպման նմանություններն ու տարբերությունները,  էլեկտրոնային գնումների խնդիրները և այն հնարավորությունները, որոնք տալիս է այդ համակարգը։

Տնտեսավարման բաժնում ծանոթացան համալսարանի ենթակառուցվածքների հետ։ Համալսարանը իրականացնում է  մի շարք միջոցառումներ  շրջակա միջավայրի աղտոտվածությունը նվազեցնելու համար։ Տնտեասվարման բաժնի աշխատանիցները համալսարանի տարածքով շրջում են էլեկտրական մեքնաներով և հեծանիվներով, որոնց վերալիցքավորումը կատարվում է  համալսարանի ներսի արևային կայանի հոսանքով։ Լաբորատոր փորձերի արդյունքում առաջացած հեղուկները երթարկվում են բազմակի ֆիլտրացիայի ջրահեռացման համակարգ լցնելուց առաջ։ Համալսարանը ունի արդի հակարդեհային, էլեկտրամատակարարման, ջեռուցման, ջրամատակարարման և ջրահեռացման  համակարգեր։

Վերապատրաստումը արդյունավետ էր, հագեցած և հետաքրքիր։  Կրետեի տեխնիկական համալսարանի աշխատակիցները բաց են քննարկումների և փորձի փոխանակման համար։ ՀԱՊՀ-ի և Կրետեի տեխնիկական համալսարանի համագործակցությունը ամրապնդվեց և սկիզբ դրվեց նոր գործընկերական հարաբերությունների։

ՀԱՊՀ Կիրառական մաթեմատիկայի և ֆիզիկայի ֆակուլտետի դեկան Իշխան Հովհաննիսյանը և Վանաձորի մասնաճյուղի արտաքին կապերի համակարգող Տաթևիկ Մարգարյանը Էրազմուս+ միջազգային կրեդիտային անձնակազմի շարժունության ծրագրի շրջանակներում մարտի 21-ից 25-ը գործնական այց կատարեցին Պորտուգալիայի Բրագանսայի պոլիտեխնիկական ինստիտուտ՝ մասնակցելով միջազգային շաբաթին։ Վերջինիս մասնակցում էին նաև տարբեր երկրների բուհերի ներկայացուցիչներ։

Առաջին օրը՝ բացման նիստին, Բրագանսայի պոլիտեխնիկական ինստիտուտի նախագահ Լուիս Պաիսը ներկայացրեց կրկնակի դիպլոմների միջազգային հարթակը, միջազգային կրեդիտային շարժունության արդյունքներն ու նոր մարտահրավերները։

Ներկայացվեցին նաև Բոլոնիայի գործընթացի և եվրոպական բարձրագույն կրթական տարածքի վերաբերյալ նյութեր, զեկույցներ եղան՝ բարձրագույն կրթության արդիականացման, եվրոպական բուհերում կրթության և ուսուցման որակի բարելավման թեմաներով։ Միջազգային բաժնի մասնագետ Ֆիլիպ Ռոդրիգեսը ներկայացրեց Բրագանսայի պոլիտեխնիկական ինստիտուտը, այնուհետև գործընկեր երկրների մասնակիցները ներկայացրին իրենց համալսարանները։ ՀԱՊՀ ներկայացուցիչները մանրամասն ներկայացրին բուհի կառուցվածքը, մասնագիտությունները, միջազգային համագործակցությունը, գործընկեր կազմակերպությունների հետ կապը, Էրազմուս+ ծրագրին ակտիվ մասնակցությունը և դրա արդյունքների հաշվետվությունը։

Նշվեց, որ Բրագանսայի պոլիտեխնիկական ինստիտուտում ներկայումս սովորոող և գերազանցությամբ ավարտած ուսանողները ՀԱՊՀ-ի և ԲՊԻ-ի համագործակցության վառ ապացույցն են։ Քննարկվեցին նաև համագործակցության հեռանկարները և այն ոլորտները, որոնք ընդհանուր հետաքրքրություն են ներկայացնում երկու բուհերի համար։

Իրականացվեց նաև ճանաչողական այց ԲՊԻ-ի մասնաշենքեր, լաբորատորիաներ, աշխատանոցներ և գրասենյակներ, որի ընթացքում ծանոթացանք համալսարանի ենթակառուցվածքների հետ։ Նշենք, որ ԲՊԻ-ում մեծամասամբ իրականացվում են գործնական դասեր, քանի որ շեշտը դրված է ուսանողների պրակտիկ ունակությունները զարգացնելու վրա։

Անձնակազմի վերապատրաստումը խիստ հագեցած և արդյունավետ էր։ Այս այցով ստեղծվեցին նոր կապեր, ամրապնդվեց ՀԱՊՀ և ԲՊԻ համագործակցությունը և սկիզբ դրվեց նոր, առավել արդյունավետ համագործակցության։

 

  Սիրով հայտնում ենք, որ օրերս Միացյալ Թագավորության հեղինակավոր Taylor and Francis Group հրատարակչությունում տպագրվեց “Remanufacturing and Advanced Machining Processes for New Materials & Components” (185 էջ) գիտական մենագրությունը՝ անգլերեն լեզվով։ Գրքի համահեղինակ են տեխնիկական գիտությունների դոկտոր, Ուկրաինայի երկաթուղային տրանսպորտի պետական համալսարանի պրոֆեսոր, ՀԱՊՀ Վանաձորի մասնաճյուղի շրջանավարտ Էդվին Սպարտակի Գևորգյանը և ՀԱՊՀ Վանաձորի մասնաճյուղի տնօրեն, Հայաստանի ճարտարագիտական ակադեմիայի իսկական անդամ, տեխնիկական գիտությունների թեկնածու, դոցենտ Արմեն Գերասիմի Խառատյանը։

Մենագրությունը տպագրվել է երեք բուհերի գիտնականների համագործակցության արդյունքում. Լեհաստանի Ռադոմի տեխնոլոգիա-հումանիտար համալսարան, Ուկրաինայի երկաթուղային տրանսպորտի պետական համալսարան և Հայասատանի ազգային պոլիտեխնիկական համալսարանի Վանաձորի մասնաճյուղ։

Կրթական տեխնոլոգիաների նկատմամբ տարբեր մոտե­ցում­ները կարելի է դի­տարկել որպես ուսումնական ծրագրի իրակա­նացման համախումբ, որն իրենից ներ­կայացնում է ուսուց­ման ձևի, մեթոդների և միջոցների այնպիսի կառուցվածք, որն ապահովում է հասնելու կրթական վերջնանպատակին:

   ՀԱՊՀ Վանաձորի մասնաճյուղի ՈւՄԲ վարիչ տ.գ.թ., դոցենտ Մ.Թ. Նաջարյանի կողմից գործնական օրի­նակներով ներկայացված են դասա­վանդման ընթացքում առարկայական ծրագրով նախա­­տես­ված նյութի մատուցման ինտերակ­տի­վու­թյունը ապահովող տեխ­նիկական, ծրագրային, մանկավար­ժա­կան տարբեր գործիքներ, ուսուցման նորագույն մեթոդներ,  որոնք, էապես տար­բերելով ավանդական գործիքներից, նոր որակի և մշակույթի ձևավորման հիմք են ծառայում:

Պետք է առանձնացնել հեղինակի կողմից մայրենի լեզվով ուսումնամեթոդական գրա­կա­նության ստեղծման գործընթացը, որը  առարկաների ուսուցման ամբողջական էլեկտրո­նային փաթեթների ստեղծման հիմք են հանդիսացել:

ՀՀ Կրթության և գիտության նախարարության որոշմամբ տեխնիկական բուհերի ուսանողների համար  հրատարակվել են «Մետաղա­հատ գործիքներ» դասագիրքը (2007թ.) և «Մետաղահատ հաս­տոցներ և գործիքներ» ուսումնական ձեռ­նարկը (2009թ.), հրատարակվել են «Մետաղների կտրման հի­մունք­ներ և կտրող գործիքներ» մենա­գրու­թյունը (2017թ.):

Տիրապետելով համակարգչային տեխնոլոգիաների որոշակի ծրագրերով աշխատելու կարողություններին Մ.Թ. Նաջարյանը հեղինակել է էլեկտրոնային դա­սախոսությունների մի ամբողջ շարք փաթեթ­ներ՝ «Կտրող գործիքներ 2008թ.», «Մետաղահատ հաստոցներ և  գործիքներ-2009թ.» (http://www.seua.am/new education technology): Այդ ժամանակներից սկսած մասնաճյուղում առաջին անգամ նրա կողմից ներ է դրվել ուսուցման ժամանակակից տեխ­նոլոգիաների կիրառումը կրթական ոլորտում, ստեղծելով առավել արդյունավետ ուսուց­­ման միջավայր:

Ուսուցման արդյունավերտության բարձրացման նպատակով Մ. Թ. Նաջարյանի կողմից վերանայվել է առարկաների ուսումնասիրման մեթոդաբանությունը: Այդ նպա­տակով նա հրա­տարակել է ուսումնամեթոդական ձեռնարկ («Տեխնոլոգիական մեքե­նա­ներ և սար­քա­վո­րում­ներ, Մետաղների կտրում և կտրող գործիքներ» (2019թ.), որը հնա­րա­վո­րու­թյուն է տալիս ուսանողին առարկայի յուրաքանչյուր թեմայի ուսումնա­սի­րու­թյունը իրականացնել համա­կարգ­ված, առավել ուշադրու­թյուն դարձնելով թեմայի համապատասխան բաժիններին:

Յուրաքանչյուր թեմայի ուսում­նասիրությունից հետո ուսանողը հնարա­վո­րու­թյուն ունի օգտվել ներկա­յաց­ված ինքնաստուգման հարցաշարից, պարզելու համար իր իմացությունը նյութի վերա­բերյալ: Ձեռնարկում ընդգրկված է առարկայի լաբո­րա­­տոր փորձերի կատար­ման մեթոդիկան՝ որոշակի տեսական բացատրությամբ: Ընդգրկված է նաև լաբո­րա­տոր փորձերի արդյունքների գրանցման էլեկտրոնային ձևաչափը: Փոր­ձե­րի արդյունքների մուտքագրման էլեկտրոնային տարբերակը պարզեցնում է գրանց­­ման գործընթացը՝ խնայելով ուսանողի ժամա­նա­կը:

Հեղինակի կողմից  2019 թվականին ներկայացվել են «Տեխնոլոգիական մեքենաներ և սարքավորումներ-2019թ.» (https://polytech.am/onlinelectures/eldas_2/), «Մետաղների կտրում և կտրող  գործիքներ-2019թ.»( https://polytech.am/onlinelectures/eldas_1/ ) առարկաների համար անհրաժեշտ էլեկտրոնային նյութերը: 2020թ. դասախոսություւների էլեկտրոնային նյութերը համալրվել է  «Մետաղների կտրում և կտրող  գործիքներ» առարկայի ամբողջական տեսա­ձայ­նագրությունը:

2021 թվականին Մ. Թ. Նաջարյանը ստեղծել է Web կայք՝ (https://mikayelnajaryan.com), որի մեջ ներառված են գիտամանկավարժական  գործունեության ընթացքում նրա կողմից ստեղծած ուսուցման արդի տեխնոլոգիաների կիրառման համար անհրաժեշտ նյութերը:Դասավանդման ընթացքում ուսուցման ինտերակտիվ մեթոդների ներդրման մի­ջոցով նրա կողմից ուսումնական գործընթացի բոլոր բաղադրիչների համալիր բարե​փո​խ​ման քայլ է արվել, որոնք են՝ ինքնուրույն աշխատանք, դասախոսություններ, գործ​նական աշ­խա­­տանք­ներ, լաբո­րատոր փորձարկումներ:

Մ. Թ. Նաջարյանը հանդես է եկել զեկուցումներով գիտաժողովներում, որտեղ ներ­կա­յացրել է մասնաճյուղում իրականացվող ուսուցման ակտիվ մեթոդների ներդրման հաջողու­թյուն­ների մասին.

  • «Տեղեկատվական տեխնոլոգիաների կիրառման օրինակներ բարձ­րա­գույն կրթության ոլորտում», Ինֆորմացիոն տեխ­նոլո­գիա­ներ և կայուն զարգացում: Միջազգային գիտաժողով նվիրված ԼՂՀ անկախության հռչակման 18-րդ տարե­դար­ձին: Զեկուցումների հիմնա­դրույթներ 25-26.09.2009թ.:
  • «Միջավայրային բարեփոխումները ՀՊՃՀ Վանաձորի մասնաճյուղում»-Կրթության բարեփոխումներ, հիմնախնդիրներ, Հանրա­պետական գիտա­ժո­ղովի նյութեր, Վանաձոր 2010թ.:
  • «Ուսուցման ժամանակակից տեխ­նո­լո­գիա­ների կիրառումը բարձրագույն կրթության ոլորտում», ՀԱՊՀ գիտաժողով, Երևան, 2019թ.:
  • Внедрение современных технологий обучения в Национальном политехническом университете Армении,  Печатный, 26 марта 2021 г. Новые технологии высшей школы Наука, техника, педа­го­гика, Материалы Всероссийской научно-практической конфе­ренции «Наука – Общество – Технологии – 2021» (Россия, Москва, 26 марта 2021 года).
  • «Դասավանդման արդի տեխնոլոգիաների կիրառումը և ուսանողի անհատական աշխատանքի կազմակերպման խնդիրները», ՀԱՊՀ գիտաժողով, Երևան, 2021թ.:

Անհրաժեշտ է առանձնացնել Մ.Թ. Նաջարյան կողմից վերջին տարիներին մասնա­ճյու­ղում իրականացվող ուսանող­նե­րի ինքնու­րույն աշխատանքի կազ­­­մակերպման թի­մա­­յին եղա­նա­կը, որի վերաբերյալ հա­տուկ կար­ծիք է հայտնել ՀԱՊՀ-ի ռեկտորատը:

Թիմային աշ­խա­տանքում ներ­գրավ­ված ուսանողների կա­տա­րած հետազո­տու­­թյուն­ները ներ­­կայացված են տարբեր հար­թակ­նե­րում որպես գիտական զեկույց­ներ, ուսանող­ները ար­դյունք­ները ձևա­կեր­պել են որպես ավար­տական աշխատանք­ներ, մագիստրա­կան թեզեր, հրա­տա­րակել գիտա­կան հոդ­ված­ներ տարբեր ամսա­գրե­րում:

Ուսա­նողների թիմային աշխատանքի արդ­յունք­նե­րը ցույց են տալիս, որ դրա արդյու­նա­վե­տությունը բավականին բարձր է՝ որակ­յալ և ըստ նշա­նակության մասնագետի պատ­րաստման, ձեռնարկությունների հետ համագործակ­ցու­թյան ընդ­լայն­ման, ուսանողների տե­սական, գիտական և հատկապես գործ­նա­կան գիտելիք­նե­րի կուտակման հնարա­վո­րու­թյունների, տարբեր  կուրսերի ուսա­նող­նե­րի համախմբման, փոխ­օգ­նության, թի­մի ներսում և դրանից դուրս գիտե­լիք­ների փո­խա­նակման, անձնական հրա­շալի փոխհա­րա­բե­րու­թյունների առումով: Այս ամենը անշուշտ նպաստում են վաղվա ան­հա­տի ձևավորմանը:

Անհրաժեշտ է նշել Մ.Թ. Նաջարյան մասնակցությունը կրթական բարեփո­խում­ներին նվիր­ված միջոցառումներին, Tempus-ի 15-ամյակին նվիրված (30 նոյեմբեր, 2010, ԵՊՀ) և այլ նախագծերի խորհրդաժողովներին, սեմինարներին (ՀՊՃՀ, ՎՊՄԻ, 2009-2010), ՈԱԱԿ-ի կողմից կազմա­կերպված փորձագետ­ների վերապատրաստման դասընթացներ, 2013-2014թթ. ՈԱԱԿ-ի  վերա­պատրաստման եռա­փուլ դասընթացների մասնակցություն 2016թ. մարտ-ապրիլ,  ՈԱԱԿ-ի հավաստագիր 2016թ.:

Կրթության բնագավառում մատուցած ծառայությունների և անբասիր աշխատանքի համար Մ. Թ. Նաջարյանը պարգևատրվել է  ՀՀ Կ և Գ նախարարության պատվոգրերով  և վաստակագրերով, 2009 թվականին արժանացել է ՀՊՃՀ(Պոլիտեխնիկ) բարձրագույն պարգևի՝ Ոսկե մեդալի:

       Մ. Թ. Նաջարյանը մասնակցել է ՀԱՊՀ  հայտարարված 2020/2021 ուս տարվա  «Դասավանդման արդի տեխնոլոգիաներ կիրառող լավագույն դասախոս» համալսարանական մրցույթին և արժանացել առաջին մրցանակի, ինչի համար շնորհավորում ենք նրան և ցանկանում ուսումնական և գիտամանկավարժական հետագա հաջողություններ:

 ՀԱՊՀ Վանաձորի մասնաճյուղի

տնօրեն ԱՐՄԵՆ ԽԱՌԱՏՅԱՆ

Մարտի 2-ին Վանաձորի տեխնոլոգիական կենտրոնում անցկացվեց տեղեկատվական օր՝ «Ճարտարապետության և քաղաքացիական ճարտարագիտության կրթության վերափոխումը կայուն մոդելի» TACEESM խորագրով, որն իրականացվում է Erasmus+ նախագծի շրջանակներում։ Հանդիպման նպատակը համալսարանի և այլ շահակիցների լայն լսարանին ներկայացնել Եվրամիության կողմից ֆինանսավորվող 16 գործընկեր համալսարանների և կազմակերպությունների կողմից իրականացվող TACEESM Erasmus+ նախագծի նպատակները, խնդիրները և ակնկալվող արդյունքները: ՀԱՊՀ-ն որպես շահառու հանդես է գալիս, ի դեմս նաև ՀԱՊՀ Վանաձորի մասնաճյուղի՝ հիմք ընդունելով «Շինարարական ճարտարագիտություն» մասնագիտությունը և Մասնաճյուղի սերտ համագործակցությունը «Արխիդաչ» հոլանդական ընկերության հետ։ TACEESM Erasmus+ ծրագրի շրջանակներում նախատեսվում են «Շինարարական ճարտարագիտություն» մասնագիտության բակալավրի և մագիստրոսի կրթական ծրագրերի մեկական առարկաների ծրագրային փոփոխություն՝ հաշվի առնելով գործատուների առաջարկները։

Ներկաներին ողջունեց Թվային տեխնոլոգիաների կենտրոնի տնօրեն Ռուբեն Աղգաշյանը, ով նշեց, որ ծրագրի նպատակներից մեկը ճարտարապետական և քաղաքաշինական ոլորտում գործող կրթական ծրագրերի վերափոխումն է՝ ուղղված արդի կայուն մոդելների ձևավորմանը:  Մասնաճյուղի աշակերտներին, ուսանողներին, պրոֆեսորադասախոսական կազմին ողջունեց նաև ՀԱՊՀ միջազգային համագործակցության և կրթական բարեփոխումների գծով պրոռեկտոր Սարգիս Ասատրյանցը, ով նաև պատասխանեց ուսանողների հարցերին, թե ինչպես կարելի է ընդգրկվել միջազգային ծրագրերում, և ինչ չափորոշիչներ են պետք վերջինիս դիմելու համար։

ՀԱՊՀ Տեղեկատվական անվտանգության և ծրագրային ապահովման ամբիոնի վարիչ Գևորգ Մարգարովը հանգամանալից ներկայացրեց ծրագրի բովանդակությունը, սպասվող ակնկալիքները և խոսեց Մասնաճյուղի ներգրավվածության կարևորության մասին։

Տեղեկատվական օրը ՎՏԿ-ում մեզ ողջունեց ՎՏԿ ծրագրերի համակարգող Աննա Հովհաննիսյանը, հանդիպմանը հրավիրված էր նաև «Արխիդաչ» ընկերության աշխատակիցները և տնօրեն Կարինե Աբրահամյանը։ Ընկերության տնօրենը ողջունեց ներկաներին և խոսեց հետագա բարեփոխումների և համատեղ ծրագրերի մասին։

Մասնաճյուղի տնօրեն Արմեն Խառատյանը շնորհակալություն հայտնեց ՀԱՊՀ ներկայացուցիչներին՝ տեղեկատվական օրը Վանաձորում իրականացնելու համար, կարևորեց միջազգային ծրագրերում ներգրավվածությունը, օտար լեզվի իմացությունը և ոգևորեց ուսանողներին և աշխատակազմին առավել ինտեգրված լինել նման ծրագրերում։

Պարոն Խառատյանը շնորհավորեց բոլորիս ՀԱՊՀ հիմնադրման օրվա առթիվ, նշեց, որ ինչպես մարտի մեկը հանդիսանում է գարնան առաջին օր, զարթոնքի օր, այնպես էլ Պոլիտեխնիկի ծնունդը մեր երկրի համար եղավ տեխնոլոգիական կրթության և արդյունաբերության զարթոնքի և զարգացման սկիզբ։

Հանդիպման վերջում հյուրընկալվեցինք մեր գործընկեր, «Արխիդաչ»-ում, որտեղ Մասնաճյուղի «Շինարարություն» բաժնի շրջանավարտ, ընկերության աշխատակից Սասուն Ղազարյանը ներկայացրեց գործիքակազմը և ծրագրերը, որով նրանք աշխատում են եվրոպական և տեղական շուկայի համար։

ՀԱՊՀ Վանաձորի մասնաճյուղում տեղի ունեցավ «Արմաթն օդում» ԱԹՍ-ների կրթական աշխատանոցի բացումը՝ Առաջատար տեխնոլոգիաների ձեռնարկությունների միության նախաձեռնությամբ։ «Արմաթն օդում» (Armath Airborne) անօդաչու թռչող սարքերի (ԱԹՍ) կրթական աշխատանոցի ծրագիրն «Արմաթ» ինժեներական լաբորատորիաների ծրագրի զարգացման ուղղություն է:  Այն իրականացվում է ԱՏՁՄ-ը՝ «Ինստիգեյթ Ռոբոտիքս» ընկերության կողմից մշակված մեթոդաբանությանը համապատասխան: Աշխատանոցները նախատեսված են լինելու 15-18 տարեկան տղաների և աղջիկների համար։ Դրանցում պատանիները ստանալու են անօդաչու թռչող սարքերի աշխատանքի տեսական գիտելիքներ, յուրացնելու են դրանց նախագծման ու պատրաստման, ծրագրային ապահովման, տեխնիկական սպասարկման և կառավարման առանձնահատկությունները։ «Արմաթն օդում» ԱԹՍ աշխատանոցների կրթական ծրագրում ընդգրկված են և՛ պտուտակավոր, և՛ թևավոր ԱԹՍ-ները։

Ողջույնի խոսքով հանդես եկավ «Արմաթ» ծրագրի ղեկավար Սեդրակ Վարդանյանը, ով նշեց, որ կարևոր է խթանել բարձր տեխնոլոգիական ոլորտի առանձին ուղղության՝ ավիացիոն ճարտարագիտության նկատմամբ հետաքրքրությունը աշակերտների և ուսանողների շրջանակում՝ մեջբերելով հայտնի խոսքերը, որ պատերազմում հաղթում են դեռ աշակերտական սեղանից։ «Արմաթն օդում» ծրագրի համակարգող Խաչատուր Թադևոսյանը ներկայացրեց լաբորատորիայի ստեղծման կարևորությունը, հագեցվածությունն ու կատարվելիք գործողությունները և Պոլիտեխնիկի բակում իրականացրեց անօդաչու թռչող սարքի փորձնական թռիչք։

ՀԱՊՀ Վանաձորի մասնաճյուղի տնօրեն Արմեն Խառատյանը ողջունեց հյուրերին, երախտիքի խոսք ասեց աշխատանոցի բացման կապակցությամբ և նշեց, որ Մասնաճյուղի առաքելություններից մեկը նորաստեղծային տեխնոլոգիաների զարգացումն է և այդ տեսակետից կարևորեց «Արմաթն օդում» լաբորատորիայի բացումը՝ ՀԱՊՀ Վանաձորի մասնաճյուղում։ Մեր կրթօջախը մշտապես պատրաստակամ է աջակցել ինժեներական մտքի և ծրագրերի իրականացմանն ուղղված բոլոր նախաձեռնություններին:

Հյուրերի շարքում էին ՀՀ Լոռու մարզի Կրթության, մշակույթի և սպորտի վարչության պետի տեղակալ Արփինե Մատինյանը, ՀՀ Լոռու մարզի Զարգացման ծրագրերի զբոսաշրջության և վերլուծության բաժնի պետ Հասմիկ Մկրտչյանը,  Վանաձորի համայնքապետարանի Աշխատակազմի քարտուղարի պաշտոնակատար Դավիթ Հակոբյանը, Զարգացման ծրագրերի, արտաքին կապերի և տեղեկատվական տեխնոլոգիաների բաժնի պետ Լիլյա Դավթյանը, համայքնի ղեկավարի օգնական Արայիկ Նիազյանը, ՎՏԿ կրթական և ինժեներական ծրագրերի համակարգող և «Արմաթ» ինժեներական լաբորատորիաների մարզային համակարգող Եղիշե Սաֆարյանը, ՎՏԿ ծրագրերի համակարգող Աննա Հովհաննիսյանը, «Ինստիգեյթ մոբայլ» ընկերության Վանաձորի  մասնաճյուղի ղեկավար Սամվել Պետրոսյանը, գործընկեր կազմակերպությունների տնօրենները և այլ հյուրեր։

ՀԱՊՀ Վանաձորի մասնաճյուղի ավագ դպրոցի աշակերտները ողջունեցին հյուրերին իրենց ասմունքով, երգով ու հեզաճկուն պարերով։ Մասնաճյուղի ավագ դպրոցի Արմաթ ինժեներական լաբորատորիայի սան, բազում հաջողություններ գրանցած աշակերտուհի Մարգարիտա Համբարյանը ողջունեց հյուրերին և իր ոգևորող ելույթով կոչ արեց աշակերտներին իրենց գիտելիքն ու եռանդը ներդնեն ի նպաստ հայրենիքի։

ՀԱՊՀ Վանաձորի մասնաճյուղը համագործակցության պայմանագիր է կնքել “Ապոլլոն Լաբ” ընկերության հետ, որը մասնագիտացած է կայքերի նախագծման, ստեղծման և դիզայնի մշակման մեջ։ Հիմնական գործունեությունը խոշոր առցանց խանութների և պորտալների զարգացումն է:

Ընկերության նպատակը աշխատանքի բարձր արդյունավետությունն է, ինչպես նաև աջակցել պատվիրատուներին՝ առաջատար տեխնոլոգիաների միջոցով՝ մշտապես առաջարկելով ժամանակի լավագույն լուծումները:

Համաձայն բուհի և ընկերության համագործակցության՝ “Ծրագրային ճարտարագիտություն” մասնագիտության ուսանողները հնարավորություն կունենան պրակտիկան իրականացնել Ապոլոն Լաբում, իսկ լավագույն ուսանողները հետագայում կտեղավորվեն աշխատանքի։

          ՀԱՊՀ Վանաձորի մասնաճյուղը հյուրընկալեց  «Դասավանդի՛ր  Հայաստան» ծրագրի ներկայացուցիչներին, ովքեր ներկայացրին «Դասավանդի՛ր Հայաստան» ծրագրի առաքելությունը, դիմելու կարգը և հետագա գործունեությունը։  «Դասավանդի՛ր, Հայաստան» հիմնադրամը կարևորում է կրթության հասանելիությունը ինչպես դպրոցական, այնպես էլ բուհական մակարդակում և տրամադրում է ուսման վարձավճարը ամբողջապես փոխհատուցող կրթաթոշակ` բակալավրիատում և մագիստրատուրայում սովորող ավարտական կուրսի այն ուսանողների համար, ովքեր ունեն բարձր առաջադիմություն և պատրաստակամ են տվյալ կրթական աստիճանն ստանալուց անմիջապես հետո միանալ «Դասավանդի՛ր  Հայաստան»-ի Առաջնորդության զարգացման երկամյա ծրագրին։

Տարիների համագործակցության փորձը ցույց է տվել, որ Պոլիտեխնիկի շրջանավարտներն իսկապես առանձնացել են իրենց մասնագիտական որակներով, կարողություններով և ստեղծագործական ունակություններով: Նշենք, որ բացի դասավանդվող առարկաներից՝ ունակ են ղեկավարել նաև ռոբոտաշինական, ձեռնարկատիրական և այլ խմբակներ:

Այս ծրագրի ծրջանակներում ուսանողները հնարավորություն ունեն կերտելու իրենց կարիերան, դառնալու կայացած մասնագետներ, փայլուն առաջնորդական հմտություններով ուսուցիչներ: «Դասավանդի՛ր Հայաստան» ծրագիրը հավաքագրում և վերապատրաստում է համալսարանների շրջանավարտներին որպես ուսուցիչ-առաջնորդներ, այնուհետև երկու տարով գործուղում՝ Հայաստանի մարզային դպրոցներ։ Ծրագրի առանձնահատկությունն այն է՝ պարտադիր չէ, որ մասնակիցը մասնագիտությամբ լինի մանկավարժ, միայն հարկավոր է ունենալ դասավանդելու և Հայաստանի զարգացմանը նպաստելու ցանկություն, մյուս խնդիրները, ինչպիսիք են վերապատրաստումը, տեղավորումը մարզային դպրոցներում, վարձատրությունը լուծում է ծրագիրը: «Դասավանդի՛ր Հայաստան» ծրագիրն ունի մի գերնպատակ՝ հավասար կրթական հնարավորությունների ստեղծում բոլոր երեխաների համար։

Հուսով ենք, որ ՀԱՊՀ Վանաձորի մասնաճյուղի ուսանողներն իրենց որոշակի ներդրումը կունենան այս ծրագրում՝ կիրառելով իրենց համալսարանական գիտելիքները:

ՀԱՊՀ Վանաձորի մասնաճյուղի տնօրենը, Որակի ապահովման և վերահսկման բաժնի վարիչը, արտաքին կապերի համակարգողը, դասախոսները և ուսանողները մասնակցություն ունեցան Հայաստանում Էրազմուս+ ծրագրի ազգային գրասենյակի կողմից մեկնարկած էրազմուս+ ծրագրի 2022թ․ առաջարկների ներկայացման մրցույթին (https://bit.ly/3pbhqeO)՝ նվիրված Տեղեկատվական օրերին։ Հանդիպումը տեղի ունեցավ Վանաձորի տեխնոլոգիական կենտրոնում:

Միջոցառման ընթացքում ներկայացվեց բուհերի պրոֆեսորադասախոսական կազմի և ուսանողների համար հասանելի դրամաշնորհային հնարավորությունները։ Միջոցառմանը ներկա էին Էրազմուս+ բարձրագույն կրթության փորձագետները, ինչպես նաև այլ համալսարանների ներկայացուցիչներ, ովքեր իրենց բուհերում կազմակերպում և իրականացնում են Էրազմուս+ շարժունության և կարողությունների զարգացման ծրագրեր։

Հանդիպման ընթացքում Էրազմուս+ ազգային գրասենյակի համակարգող Լանա Կառլովան և Ծրագրի պատասխանատու Վարդ Ղուկասյանը մանրամասն ներկայացրին ընթացիկ տարվա համար հասանելի ծրագրերը, որոնք միտված են Կարողությունների զարգացմանը, Միջազգային կրեդիտային փոխանակմանը, Վիրտուալ փոխանակումներին, Էրազմուս Մունդուս համատեղ մագիստրոսական ծրագրերին, ինչպես նաև՝ Էրազմուս Մունդուս նախագծերին։

Էրազմուս+ տեղեկատվական օրերի նպատակն է խրախուսել փորձի փոխանակում Էրազմուս+ իրականացնող բուհերի և անհատների միջև, խթանել ծրագրում դեռևս չընդգրկված բուհերին, ինչպես նաև հարթակ հանդիսանալ հարց ու պատասխանների համար։

ՀԱՊՀ Վանաձորի մասնաճյուղի ավագ դպրոցի աշակերտները և ուսանողները հանդիպումունեցան «ԻնստիգեյթՄոբայլ» և «Ինստիգեյթ Կիսահաղորդիչներ»  ընկերությունների ներկայացուցիչների հետ, որոնց շարքում կային նաև մեր շրջանավարտները, ովքեր եկել էին կիսվելու իրենց փորձով և հաջողություններով: Ընկերության ղեկավարները ներկայացրին իրենց ընկերությունները, տարածաշրջանային ռազմավարությունը, պատմեցին ծրագրի առաքելության, նպատակների մասին, բացատրեցին դասընթացի տեխնիկական մանրամասները, մասնակցության կարգն ու պայմանները։ Նշեցին նաև, որ մտադիր են իրականացնել դասընթացներ բոլոր նրանց համար, ովքեր ցանկանում են առաջին քայլը կատարել տեղեկատվական տեխնոլոգիաների ոլորտում՝ Վանաձոր քաղաքում։ Դասընթացները կազմակերպվելու են անվճար, իսկ լավագույն շրջանավարտները հնարավորություն կունենան աշխատանք ձեռք բերել հենց Վանաձոր քաղաքում։

Դասընթացների մասնակիցները դասերի ավարտից հետո ձեռք են բերում համակարգչային գիտության և ծրագրավորման վերաբերյալ հիմնարար գիտելիքներ, ալգորիթմական մտածելակերպ և խնդիրների արդյունավետ լուծման կարողություններ, աբստրակցիայի,  տվյալների կառուցվածքների, ինկապսուլյացիայի, ռեսուրսների կառավարման, անվտանգության, ծրագրային ապահովման ճարտարագիտության և վեբ տեխնոլոգիաների բազային գիտելիքներ, անհատական և թիմային աշխատանքի հմտություններ, ծրագրավորման մի շարքլեզուներ (C++, JavaScript, HTML), VLSI design flow, Verilog հիմունքներ։

Հանդիպման ժամանակ ներկայացվեց նաև Հայաստանում ՏՏ ոլորտի պատմությունը, զարգացումն ու հեռանկարները, առանձնահատկությունները, խոսվեց ՏՏ աշխատաշուկա մտնելու անհրաժեշտ նախապայմանների և գիտելիքների մասին։ Հանդիպման ընթացքում ընկերության ներկայացուցիչները պատասխանեցին ուսանողներին հետաքրքրող բոլոր հարցերին։

Նշվեց, նաև որ ընկերության և Մասնաճյուղի սերտ կապը ունի տարիների պատմություն և մեծ կարևորություն է տրվում այդ արդյունավետ համագործակցությանը: Ընկերությունում գերակշիռ մաս են կազմում Մասնաճյուղի ուսանողներն ու շրջանավարտները, որը կունենա շարունակական և պարբերաբար թարմացվող բնույթ:

Շնորհակալություն ենք հայտնում «Ինստիգեյթ Մոբայլ» և «Ինստիգեյթ Կիսահաղորդիչներ» ընկերություններին՝ մեզ այցելելու համար: