Հայաստանի ազգային պոլիտեխնիկական համալսարանի Վանաձորի մասնաճյուղում մայիսի 10–ին տեղի ունեցավ «Մատչելի միջավայր. համընդհանուր (ունիվերսալ) դիզայն» թեմայով դասընթաց:
Ծրագրի ղեկավարի օգնական Գայանե Գրիգորյանը ներկայացրեց դասընթացի նպատակը, այն է՝ ուսանողներին ծանոթացնել համընդհանուր դիզայնի սկզբունքներին, խոսեց նաև դասընթացի ուղղությունների, հիմնական շեշտադրումների մասին:
«Ագաթ» ՀԿ-ի համակարգող, դասընթացավար Մարինե Ավետիսյանը ներկայացրեց այն չափանիշները, որոնք պետք է հաշվի առնվեն հաշմանդամություն ունեցող տարբերի խմբերի անձանց համար՝ մատչելի շենք-շինություններ կառուցելիս:
Տեսական գիտելիքներ ստանալուց հետո, Մասնաճյուղի «Շինարարություն» բաժնի ուսանողները հնարավորություն ունեցան գործնականում մշակել Շիրակի մարզպետարանի մուտքի թեքահարթակի նախագիծը: Դասընթացի ժամանակ տեղի ունեցավ մտքերի ակտիվ փոխանակում և քննարկում: Յուրաքանչյուր աշակերտ ազատ էր նախագծերի վերաբերյալ արտահայտելու իր տեսակետն ու կարծիքը: Սույն բաժնի ուսանողներ Դավիթ Գալստյանը, Խաչատուր Ղազարյանը և Վիտալի Այվազյանը նախագիծը բերեցին վերջնական տեսքի:
Դասընթացը վարում էր «Ագաթ» ՀԿ-ի համակարգող, դասընթացավար Մարինե Ավետիսյանը: Դասընթացն անցակացվեց «Ագաթ» ՀԿ-ի կողմից՝ «Քաղաքացիական հասարակությունը Հայաստանում ընտրությունների նախապատրաստման և մոնիտորինգի գործընթացներում. ընտրություններ բոլորի համար» ծրագրի շրջանակներում:
Նշենք, որ ծրագիրը ֆինանսավորվում է Եվրոպական միության կողմից:
Հ/Հ |
Մասնագիտությունը |
Ընդունելության քննությունները | Տեղերը | Ուսման վարձը հազ. դրամ | |||
Մրցութային | Ոչ մրցութ. | Անվճար |
Վճարովի |
||||
1 | ՏՆՏԵՍԱԳԻՏՈՒԹՅՈՒՆ | Մ(գ) | Ֆ(գ)** | Հլգ(գ)* | 5 | 20 | 360 |
2 | ԾՐԱԳՐԱՅԻՆ ՃԱՐՏԱՐԱԳԻՏՈՒԹՅՈՒՆ | Մ(գ) | Ֆ(գ)** | Հլգ(գ)* | 7 | 18 | 360 |
3 | ՇԻՆԱՐԱՐՈՒԹՅՈՒՆ | Մ(գ) կամ Ֆ(գ) | Ֆ(գ)** կամ Մ(գ)** | Հլգ(գ)* | 5 | 10 | 315 |
4 | ՏՐԱՆՍՊՈՐՏԱՅԻՆ ՀԱՄԱԿԱՐԳԵՐ | Մ(գ) կամ Ֆ(գ) | Ֆ(գ)** կամ Մ(գ)** | Հլգ(գ)* | 5 | 10 | 300 |
5 | ՄԵՔԵՆԱՇԻՆՈՒԹՅՈՒՆ ԵՎ ՆՅՈՒԹԵՐԻ ՄՇԱԿՈՒՄ | Մ(գ) կամ Ֆ(գ) | Ֆ(գ)** կամ Մ(գ)** | Հլգ(գ)* | 5 | 10 | 300 |
Ընդամենը | 27 | 68 |
* – նշված ոչ մրցութային քննության գնահատականը փոխանցվում է միջնակարգ կրթության ատեստատից կամ համապատասխան ավարտական փաստաթղթից:
** – դիմորդներն անվճար ուսուցման համակարգի ընդունելության մրցույթին մասնակցելու համար որպես մրցութային գնահատական կարող են ընդունելության դիմում-հայտում նախապես հայտագրել միջնակարգ կրթության ատեստատի կամ համապատասխան ավարտական փաստաթղթի` այդ առարկաների պետական ավարտական քննությունների գնահատականը, իսկ դրանց բացակայության դեպքում` տարեկան գնահատականը:
Մրցութային առարկաներից բոլոր միասնական քննություններ հանձնող դիմորդներն օգտվում են առաջնահերթ ընդունվելու արտոնությունից:
ՓԱՍՏԱԹՂԹԵՐԻ ԸՆԴՈՒՆՈՒՄԸ
Դիմորդների փաստաթղթերն ընդունվում են.
1-ին փուլ – 2019թ. մայիսի 5-ից մինչև հունիսի 1-ը ներառյալ՝ ժամը 1800-ն: Նշված ժամանակահատվածում փաստաթղթեր կարող են հանձնել հանրակրթական ուսումնական հաստատությունների այս տարվա և նախորդ տարիների շրջանավարտները, նախորդ տարի զորացրված դիմորդները:
2-րդ փուլ – հունիսի 25-ից մինչև հուլիսի 2-ը մինչև ժամը 1800-ն:
3-րդ փուլ– հուլիսի 15-ից մինչև հուլիսի 20-ը:
Կատարվում է նաև ընդունելություն հետևյալ մագիստրոսական կրթական ծրագրով՝ տնտեսագիտություն և շինարարություն:
Կատարվում է նաև ընդունելություն ՀԱՊՀ Վանաձորի մասնաճյուղի ավագ դպրոցում՝ 10-12-րդ դասարանցիների համար:
Հայաստանի ազգային պոլիտեխնիկական համալսարանը եվրոպական հավատարմագրում անցած առաջատար տեխնոլոգիական համալսարան է:
Ունենք արդյունավետ համագործակցություն ՏՏ և կապի ոլորտի գործընկերների հետ` Վանաձորի տեխնոլոգիական կենտրոնի, կենտրոնում գործող ընկերությունների, Ինստիգեյթի և այլ ընկերությունների հետ: Տեխնոլոգիական կենտրոնի բոլոր լաբորատորիաները և լսարանները համագործակցության համաձայնագրի հիման վրա տրամադրվում են Պոլիտեխնիկի ուսանողներին և դասախոսներին:
Բոլոր հարցերով դիմել` ք.Վանաձոր, Շինարարների փող. 12, ՀԱՊՀ Վանաձորի մասնաճյուղ,
հեռ. 5-69-29, 5-68-25:
ՀԱՊՀ Վանաձորի մասնաճյուղի ընդունող հանձնաժողով
Հայաստանի ազգային պոլիտեխնիկական համալսարանի Վանաձորի մասնաճյուղում ապրիլի 13-ին առաջին անգամ անցկացվեց ռուսաց լեզվի «Համընդհանուր թելադրություն» միջազգային կրթական միջոցառումը: Միջոցառման կազմակերպիչն էր «Ռուսաստանի գիտության և կրթության կենտրոնը Գյումրի քաղաքում»:
«Համընդհանուր թելադրություն»-ն անց է կացվում 16-րդ անգամ աշխարհի 80 երկրներում: Հայաստանում սույն միջոցառումն անց է կացվել 5 անգամ միայն Երևանում, այս տարի ակցիային միացան նաև Վանաձորն ու Գյումրին: Վանաձորում «Համընդհանուր թելադրություն» միջազգային կրթական միջոցառմանը մասնակցեց մոտ 60 մասնակից, որոնց թվում էին նաև Պոլիտեխնիկի ուսանողներ, դասախոսներ և ավագ դպրոցի աշակերտներ: Միջոցառումն իրականացավ Պոլիտեխնիկի անձնակազմի աջակցությամբ:
Վերջում աջակիցներին, մասնակիցներին կենտրոնի կողմից հանձնվեցին մասնակցության վկայագրեր, իսկ Մասնաճյուղի տնօրեն Արմեն Խառատյանը արժանացավ շնորհակալական նամակի, որը
պաշտոնապես հանձնեց կազմակերպության համակարգող Վախթանգ Մելիքսեթյանը:
ՀԱՊՀ Վանաձորի մասնաճյուղի ավագ դպրոցի աշակերտները և ուսանողները հանդիպում ունեցան «Ինստիգեյթ Մոբայլ» ընկերության Վանաձորի մասնաճյուղի տնօրենի և աշխատակազմի ներկայացուցիչների հետ, ովքեր, լինելով մեր շրջանավարտները, եկել էին կիսվելու իրենց փորձով և հաջողություններով:
Ընկերությունը նպատակ ունի մեծացնել ինժեներական ներուժը ՀՀ շրջաններում. այս կապակցությամբ «Ինստիգեյթ Մոբայլ» ընկերությունը «Ինստիգեյթ ուսումնական կենտրոն» հիմնադրամի հետ համատեղ կազմակերպում է անվճար դասընթացներ, և ուսումնառության ամբողջ ընթացքում ուսանողները ստանում են կրթաթոշակ։ Դրանց թվում գերակշռող մաս են կազմում Մասնաճյուղի ուսանողները:
Ընկերության տնօրեն Սամվել Պետրոսյանը ներկայացրեց ընկերության հիմնադրման պատմությունը, գործունեությունը և հեռանկարները: Նշեց, որ ընկերության և Մասնաճյուղի սերտ կապը ունի տարիների պատմություն և կարևորեց այդ բեղմնավոր համագործակցությունը: Սկզբնական շրջանում ընկերության կողմից կազմակերպված դասընթացները անց են կացվել Մասնաճյուղում, որի արդյունքում շատ ուսանողներ մասնակցել են դասընթացներին, հետագայում անցել աշխատանքի և ձեռք են բերել մեծ փորձ՝ Ինստիգեյթ ՓԲԸ-ում ներդրված սարքերի ծրագրային ապահովման մշակման և իրականացման ոլորտներում։ Նշենք նաև, որ ընկերությունում աշխատողների գերակշռող մասը Պոլիտեխնիկի շրջանավարտներ և ուսանողներ են:
Քննարկվեցին բազում հանդիպումներ, դասընթացներ, վերապատրաստումներ իրականացնելու հեռանկարային ծրագրեր, որոնք երկուստեք փոխշահավետ նպատակ կհետապնդեն:
Շնորհակալություն ենք հայտնում «Ինստիգեյթ Մոբայլ» ընկերությանը՝ հետաքրքիր և բովանդակալից հանդիպում իրականացնելու համար:
Հայաստանի ազգային պոլիտեխնիկական համալսարանի Վանաձորի մասնաճյուղում մեկնարկեց «Ստեղծարար միտք» ծրագրի «Ձեռնարկատիրական հմտություններ և դասավանդում» դասընթացը: Դասընթացին մասնակցեցին 32 մասնակիցներ, դասընթացն իրականացնում էր Մասնաճյուղի արտաքին կապերի համակարգող Տաթևիկ Մարգարյանը:
«Ստեղծարար միտք» ծրագրի դասընթացները նախատեսված են համալսարանների պրոֆեսորադասախոսական կազմի և ուսանողների համար և նպատակ ունեն փոխանցելու Բրիտանական թագավորության փորձը տվյալ ոլորտում: «Ստեղծարար Միտքը» (Creative Spark) հնգամյա նախաձեռնությունը նպատակ ունի նպաստել ստեղծարար ձեռնարկատիրական կրթության զարգացմանը՝ աջակցելով այս ոլորտում Միացյալ Թագավորության և ծրագրի մասնակից յոթ երկրների, ներառյալ Հայաստանի ուսումնական հաստատությունների միջև միջազգային համագործակցության ձևավորմանը:
Ծրագիրն իրականացվում է Բրիտանական խորհրդի կողմից Կենտրոնական Ասիայում (Ղազախստան, Ուզբեկստան, Ղրղստան), Հարավային Կովկասում (Ադրբեջան, Հայաստան և Վրաստան) և Ուկրաինայում: Հայաստանում ստեղծարար ձեռնարկության կրթության և ստեղծարար ոլորտի զարգացման «Ստեղծարար միտք» (Creative Spark) ծրագրի շրջանակներում ՀՀ կրթության և գիտության նախարարության, ՀՀ մշակույթի նախարարության և Բրիտանական խորհրդի միջև համագործակցության վերաբերյալ փոխըմբռնման հուշագիր է ստորագրվել: Հաշվի առնելով ոլորտում Մեծ Բրիտանիայի առաջատար փորձը, «Ստեղծարար Միտք» (Creative Speak) ծրագիրը ուսանողներին հնարավորություն կընձեռի ձեռք բերել համապատասխան հմտություններ` բիզնես գաղափարների մշակման փուլից մինչև բիզնես ծրագրի ձևավորում և իրականացում:
Ծրագրով ակնկալվում է բարձրացնել մասնակիցների իրազեկվածությունը, բարելավել ձեռնարկատիրական և անգլերենի հմտությունները՝ հնարավորություն ընձեռելով ստեղծագործել և առաջ մղել սեփական բիզնեսը` միաժամանակ աջակցելով ստեղծարար ոլորտի զարգացմանը, խթանել համագործակցությունը Միացյալ Թագավորության և նշված երկրների մասնագետների միջև:
ՀԱՊՀ Վանաձորի մասնաճյուղում պարբերաբար հանդիպումներ են իրականացվում ՎՏԿ-ում տեղակայված “Archidutch” և “ArDesk” ընկերությունների ղեկավարության և աշխատակիցների հետ: Ստեղծվել է համատեղ մի խումբ, որն աշխատում է կրթական ծրագրերի փոփոխման վրա, որպեսզի ծրագրերն առավել համապատասխանեն եվրոպական ստանդարտներին: Ընկերությունն արդեն իսկ համագործակցում է Հայաստանի ազգային պոլիտեխնիկական համալսարանի Վանաձորի մասնաճյուղի հետ, համալսարանի ուսանողները հնարավորություն կունենան անվճար անցնել ճարտարապետության, նախագծման և մոդելավորման պարտադիր դասեր՝ “Autodesk-Revit” ծրագրի շրջանակներում։
“ICN GROUP”-ը Հոլանդիայում ՏՏ ոլորտի 3 առաջատարներից է՝ ճարտարապետության, նախագծման և մոդելավորման ոլորտում, ունի ավելի քան 25 տարվա փորձառություն, կիրառվում է BIM/Building Information Modeling/ ծրագրակազմը։ Հիմնադիրներ Լաուրենս Լիքեթի և Նատաշա Միրզոյանցի գլխավորությամբ կարևորագույն ներդրում է կատարվել Հայաստանում, մասնավորապես՝ Վանաձորում՝ մարզի զարգացմանը նպաստելու նպատակով: Նշենք, որ Նատաշա Միրզոյանցը ծնունդով Վանաձորից է և ջանք ու եռանդ չի խնայում՝ հայրենի քաղաքը շենացնելու իր տեսլականը իրականացնելու համար:
Այդ իսկ նպատակով Վանաձորում արդեն հիմնադրվել են “Archidutch” և “ArDesk” ընկերությունները, որտեղ աշխատողների գերակշռող մասը Պոլիտեխնիկի ուսանողներ և շրջանավարտներ են: Համագործակցության արդյուքնում այդ թիվը հավակնում է աճելու: Ընկերության գործունեության նպատակն է հայ ճարտարապետներին եվրոպական փորձի և գիտելիքների փոխանցումը, այդ ոլորտում ուսանողներին անվճար կրթելը։ “Archidutch” և “ArDesk” ընկերությունների աշխատակիցները, ստանալով համապատասխան կրթություն եվրոպացի մասնագետների կողմից, հետագայում իրենց գիտելիքներով և փորձառությունով կկիսվեն ուսանողների և այլ մասնագետների հետ՝ կազմակերպելով բազմաբնույթ դասընթացներ:
Նշենք նաև, որ “ArDesk” ընկերությունն այս պահին “Autodesk” միջազգային ընկերության միակ պաշտոնական ներկայացուցիչն է Հայստանում։ Այն ներկայացնում է ՀՀ-ում “HP” ընկերության սարքավորումները, կազմակերպում է “Autodesk-Revit”, “Inventor”, “3DS Max” դասընթացներ։
Արդյունքում՝ ուսանողներին կրթելով և զինելով “BIM”, “3D Modeling” եվրոպական աշխատաշուկայում խիստ պահանջարկ ունեցող գիտելիքներով՝ լուծվում է Լոռու մարզի համար շատ կարևոր խնդիրներից մի քանիսը. ստեղծվում են աշխատատեղեր, ստեղծվում է նոր հարթակ դեպի եվրոպական շուկա, որը նվազեցնում է արտագաղթի ցուցանիշը։
Այսօր ՀԱՊՀ Վանաձորի մասնաճյուղում հյուրընկալեցինք մարդկային ռեսուրսների կառավարման մասնագետ Նաիրա Էվոյանին: Ուսանողներին և ավագ դպրոցի ավարտական դասարանների աշակերտներին ներկայացվեց, թե ինչ է իրենից ներկայացնում մարդկային ռեսուրսների կառավարումը, ինչպես նաև՝ ՄՌԿ աշխատակցի գործառույթները, աշխատակազմի որոնման ուղիները, ընտրության ուղիները, հարցազրույցի տեսակները, ուսուցումը և մոտիվացիան:
Ներկայացվեց նաև՝ ինչպես կազմել գրագետ ինքնակենսագրական, ինչպես ճիշտ ներկայանալ գործատուին և որոշակի հետաքրքրություն առաջացնել գործատուի մոտ: Խոսվեց ուղեկցող նամակ գրելու օրինաչափություններից, կառուցվածքից և բովանդակությունից: Մեր խոսնակն անդրադարձավ նաև էլեկտրոնային նամակ գրելու օրինակելի ձևաչափին:
Հանդիպման նպատակն ուսանողներին և աշակերտներին գործատուին պատշաճ ներկայանալուն նախապատրաստելն էր: Զեկույցն ավարտեցինք Կոկո Շանելի հայտնի ցիտումով. «Դուք երբեք չեք ունենա առաջին տպավորություն թողնելու երկրորդ հնարավորությունը»:
Վերջում տեղի ունեցավ մտքերի և հարցերի ակտիվ փոխանակում:
ՀԱՊՀ Վանաձորի մասնաճյուղը հյուրընկալեց «Դասավանդիր Հայաստան» ծրագրի ներկայացուցիչներին, ովքեր ներկայացրին «Դասավանդիր Հայաստան» ծրագրի առաքելությունը, դիմելու կարգը և հետագա գործունեությունը։
Տարիների համագործակցության փորձը ցույց է տվել, որ Պոլիտեխնիկի շրջանավարտներն իսկապես առանձնացել են իրենց մասնագիտական որակներով, կարողություններով և ստեղծագործական ունակություններով: Նշենք, որ բացի դասավանդվող առարկաներից՝ ունակ են ղեկավարել նաև ռոբոտաշինական, ձեռնարկատիրական և այլ խմբակներ:
Այս ծրագրի ծրջանակներում ուսանողները հնարավորություն ունեն կերտելու իրենց կարիերան, դառնալու կայացած մասնագետներ, փայլուն առաջնորդական հմտություններով ուսուցիչներ: «Դասավանդիր Հայաստան» ծրագիրը հավաքագրում և վերապատրաստում է համալսարանների շրջանավարտներին որպես ուսուցիչներ, այնուհետև երկու տարով գործուղում Հայաստանի մարզային դպրոցներ, որտեղ կա նրանց մասնագիտությամբ ուսուցիչների կարիք։ Ծրագրի առանձնահատկությունն այն է՝ պարտադիր չէ, որ մասնակիցը մասնագիտությամբ լինի մանկավարժ, միայն հարկավոր է ունենալ դասավանդելու և Հայաստանի զարգացմանը նպաստելու ցանկություն, մյուս խնդիրները, ինչպիսիք են վերապատրաստումը, տեղավորումը մարզային դպրոցներում, վարձատրությունը լուծում է ծրագիրը: «Դասավանդիր Հայաստան» ծրագիրը «Կրթություն բոլորի համար» միջազգային ցանցի մասն է կազմում, բոլորն ունեն մեկ միասնական նպատակ՝ հավասար կրթական հնարավորությունների ստեղծում բոլոր երեխաների համար։
Հուսով ենք, որ ՀԱՊՀ Վանաձորի մասնաճյուղի ուսանողներն իրենց որոշակի ներդրումը կունենան այս ծրագրում՝ կիրառելով իրենց համալսարանական գիտելիքները:
2018 թվականի նոյեմբերի 29-ին ՀԱՊՀ-ում տեղի ունեցավ համալսարանի 85- ամյակին նվիրված տարեկան գիտաժողովը, որին զեկուցումով մասնակցեցին նաև Վանաձորի մասնաճյուղի ուսանողները:
Գիտաժողովին ներկայացվեց «Լոռու մարզում ագրոտեխնոպարկի ստեղծման անհրաժեշտությունը և տնտեսական հիմնավորումը» թեմայով զեկույց (հեղ. տ.գ.թ., դոցենտ Միքայել Նաջարյան, Նելսոն Մամուլյան, մագ. Անժելա Հովհաննիսյան, բակ. Աստղիկ Առաքելյան), որտեղ դիտարկվում է Լոռու մարզում Ագրոտեխնոպարկի ստեղծման անհրաժեշտությունը՝ որպես մարզի գյուղատնտեսության ոլորտի զարգացման խթան: Բերված են առաջարկվող Ագրոտեխնոպարկի կառուցվածքի առանձին բաղադրիչները և դրանց ստեղծման տնտեսական հիմնավորումը: Նշված են կանխատեսվող փոփոխությունները:
Աշխատանքը կարևորվում է նաև նրանով, որ հետազոտական գործունեությունն իրականացրել են մասնաճյուղի ուսանողները, որոնք ընգրկված են մասնաճյուղում վաղուց արդեն ավանդույթ դարձած թիմային աշխատանքներում: Հետազոտական աշխատանքի արդյունքները ներկայացված է Վանաձորի Առևտրաարդյունաբերական պալատին և ՉԻՆՎԱՆ ՍՊԸ-ին, որպես ներդրումային ծրագիր:
Ներկայացված նյութը երաշխավորվել է տպագրության ՀԱՊՀ «Լրաբեր» ամենամյա Գիտական հոդվածների ժողովածույում:
Կատարված աշխատանքների մի հատված ուսանողները ներառելու են իրենց ավարտական աշխատանքներում:
Աշխատանքը հաջորդիվ կներկայացվի Վանաձորում 2019թ. փետրվարին նախատեսված ներդրումային ֆորումին:
Աշխատանքային խմբի ղեկավար, տ.գ.թ.,
դոցենտ Միքայել Նաջարյան
Հայաստանի ազգային պոլիտեխնիկական համալսարանում տեղի ունեցավ համալսարանի 85-ամյակին նվիրված տարեկան գիտաժողով, որին մասնակցեցին նաև Վանաձորի մասնաճյուղի դասախոս` Արուսյակ Մադոյանը և «Տնտեսագիտություն» մասնագիտության մագիստրատուրայի ուսանողուհի Արփինե Ղարաքեշիշյանը:
«Արդվին» ԲԲԸ-ի համար կատարվող աշխատանքը կրել է շարունական բնույթ: 2017թ. գիտաժողովին ներկայացվել է «Արդվին» ԲԲԸ–ի արտադրած սինքրոն էլեկտրոշարժիչների պահանջարկի հետազոտումը ՀՀ ջերմոցային տնտեսություններում» թեմայով զեկույցը, որտեղ ընկերությանն առաջարկվել էր ՀՀ-ում իրացման նոր շուկա: 2018թ. գիտաժողովին ներկայացվեց «Արևային կայանի ներդրումը որպես «Արդվին» ԲԲԸ-ի մարքեթինգային ծախսերի փոխհատուցում» թեմայով զեկույցը, որը ներդնելով՝ ընկերությունը ստանում է ոչ միայն մաքուր էներգիա, այլև փոխհատուցում է իր մարքեթինգային ծախսերը՝ ՀՀ շուկա մուտք գործելու համար: Վերջինս ընդունվել է ընկերության կողմից և այժմ միջոցառումներ են ձեռնարկվում առաջարկն իրականություն դարձնելու համար:
Թեման բավական արդիական է, քանի որ մեքենաշինական ձեռնարկությունների զարգացումը զգալի դեր ունի երկրի տնտեսության զարգացման գործում: