Հայաստանի Պետական Ճարտարագիտական Համալսարանի Վանաձորի մասնաճյուղի ուսանողական խորհուրդը, որպես ուսանողական ինքնակառավարման մարմին, ձևավորվել է 2003 թվականին:
ՈՒԽ նպաատակներն են`
• պաշտպանել ուսանողների շահերը և իրավունքները,
• մասնակցել ուսումնական գործընթացի կազմակերպմանը, ուսուցման արդյունավետության և որակի ապահովման ուղղված ծրագրերի իրականցմանը,
• նպաստել ուսանողության համար բարենպաստ միջավայրի ձևավորմանը և խթանել ուսանողների գիտական, կրթական, հոգևոր, մշակութային, ստեղծագործական և ֆիզիկական զարգացումը,
• աջակցել ուսանողների սոցիալական վիճակի բարելավմանը, կազմակերպել ուսանողների ազատ ժամանցը և հանգիստը:
ՈՒԽ գործունեության կարևոր մասն է հանդիսանում սոցիալապես անապահով ուսանողներին համապատասխան աջակցության ցուցաբերումը, համալսարանում տարբեր գիտակրթական, ինտելեկտուալ, սպորտային, մշակույթային, ժամանցի և հանգստի միջոցառումների մազմակերպումը: ՈՒԽ կարևորագույն գործառույթն է հանդիսանում` ուսանողների շահերի և իրավունքների պաշտպանումը:
Համաձայն ՀՊՃՀ կանոնադրության ՀՊՃՀ ՎՄ-ի գիտական խորհրդի և ֆակուլտետային խորհուրդի անդամների 25%-ը ուսանողներ են` բարձր առաջադիմությամբ, որոնց ընտրությունն իրականացնում է համապատասխան մակարդակի ՈՒԽ-ն: Այսպիսով, ՈՒսանողական խորհուրդը ընտրում է գիտխորհրդի և ֆակուլտետային խորհրդի անդամներին, ովքեր ապահովում են ուսանողների մասնակցությունը համալսարանի կառավարմանը:
ՈՒսանողական Խորհրդի կողմից կազմակերպվող միջոցառումները ֆինանսավորվում են հետևյալ կառույցների և կազմակերպությունների կողմից`
• Համալսարանի ռեկտորատ
• Համալսարանի արհկոմիտե
• ՀԵՀ
• այլ կազմակերպություններ