Հայաստանի Ազգային Պոլիտեխնիկական Համալսարանի

Պետրոս Մելքոնյանի անվան Վանաձորի մասնաճյուղ

Ժամանակակից լաբորատոր բազա

ՀԱՊՀ Վանաձորի մասնաճյուղի լաբորատոր պայմանները թույլ են տալիս ուսանողներին՝ կատարել արդյունավետ հետազոտություններ
Մանրամասն 

Հարուստ պատմություն

ՀԱՊՀ Վանաձորի մասնաճյուղը հիմնադրվել է 1959թ. և մինչ այժմ տվել է շուրջ 9000 շրջանավարտ
Մանրամասն 

Միջազգային ծրագրեր

ՀԱՊՀ Վանաձորի մասնաճյուղը եվրոպական համալսարանների ցանցի անդամ է և ունի բազմաթիվ համագործակից բուհեր ամբողջ աշխարհում
Մանրամասն 

Վերջին նորություններ

IMG_04542013-2014 ուստարվա ամառային քննաշրջանի ընթացքը վերահսկելու և համալիր մշտադիտարկում անցկացնելու նպատակով ՀՊՃՀ Վանաձորի մասնաճյուղի տնօրեն Արմեն Խառատյանի 03.06.2014թ. հրամանով ստեղծվել էր հանձնաժողով, որի կազմում ընդգրկվել էին մասնաճյուղի ուսումնական մասի վարիչ Միքայել Նաջարյանը (նախագահ), որակի ապահովման և վերահսկման բաժնի վարիչ Վահան Մամյանը և աշխատաշուկայի ուսումնասիրման և մասնագիտական կարիերայի կենտրոնի համակարգող Նելսոն Մամուլյանը: Հանձնաժողովի նշված կազմի ընտրությունը պատահական չէր, քանի որ նշված անձինք բուհի հավատարմագրման գործընթացը համակարգողներն ու որակի ներքին համակարգի պատասխանատուներն են: Ի դեպ, նրանք վերջերս, անցնելով ՀՀ մասշտաբով կրթության որակի բնագավառում կազմակերպված վերապատրաստման դասընթացներին, ընդգրկվել ենորակի ապահովման ազգային կենտրոնի փորձագետների տվյալների բազայում:

Մասնաճյուղը վերջին շրջանում բարեփոխումների համատեքստում տարբեր գործընթացների մեջ է եղել՝ հավատարմագրում, ինքնավերլուծություն, որակի համակարգի ստեղծում և զարգացում և այլն: Հավատարմագրման գործընթացի վերջերս կիրարկված տասը չափորոշիչներից վերցվել է մի դրվագ՝ ուսումնական գործընթացի քննաշրջան բաղադրիչը և տնօրինության կողմից հանձնարարվել մանրամասն մշտադիտարկմամբ պարզել, թե ինչպես է այն ընթանում, ինչպիսի թերություններ և բացթողումներ կան այդ ոլորտում: Մշտադիտարկման ընթացքում նկատված այն թերությունները, որոնք հնարավոր էր տեղում շտկել, անմիջապես կարգի էին բերում, իսկ նրանք, որոնք համակարգային բնույթ էին կրում, արձանագրվում էին, ամեն օր մուտքագրվում համակարգչում: Ինչպես նշեց Ն.Մամուլյանը, քննաշրջանի ավարտից հետո հանձնաժողովը մանրամասն հաշվետվություն ներկայացրեց տնօրինությանն ու գիտխորհրդի նիստին՝ ի ցույց դնելով գործընթացում նկատված բոլոր խնդիրները, բացասական կողմերն ու ռիսկերը և առաջարկելով դրանց վերացման և շտկման կոնկրետ ուղիներ:

Ինչպես հավաստիացրեց Մ.Նաջարյանը, մշտադիտարկան գործընթացը պիտի շարունակական բնույթ կրի. «Մեր նպատակն այն է, որ մշտադիտարկման ենթարկվի նաև միջանկյալ ստուգումների ամբողջ գործընթացը, որի արդյունքում կկատարվեն համապատասխան հետևություններ: Եթե այդտեղ կնկատվեն բացթողումներ, կփորձենք անմիջապես շտկել, իսկ այն խնդիրները, որոնք համակարգային և մտահոգիչ բնույթ կունենան, կարձանագրենք և կփորձենք դրանց վերացման կոնկրետ եղանակներ և ուղիներ մատնանշել»: Նա միաժամանակ ընդգծեց, որ այս փուլում մշտադիտարկումը երկու հիմնական նպատակ էր հետապնդում՝ կիսամյակի ընթացքում ուսանողների ստացած գիտելիքների պաշարի բացահայտում և ՀՊՃՀ ուսանողների գիտելիքների հսկման և գնահատման ռեյտինգային համակարգի դրույթների իրականացում:

Վ.Մամյանն ասաց, որ հետագայում իրենք աշխատելու են երեք հիմնական ուղղություններով՝ 1) փաստաթղթային և մեթոդական ապահովվածության մշտադիտարկում, 2) բուն ուսումնական գործընթացի բովանդակային կողմի մշտադիտարկում՝ դասալսումների, հարցաթերթիկների բովանդակային կողմի ստուգման միջոցով, 3) մեթոդական օգնության ցուցաբերում պրոֆեսորադասախոսական անձնակազմին՝ բաց դասախոսությունների, շնորհանդեսների, լավագույն մասնագետների փորձի փոխանակման միջոցով:

Ամփոփելով կատարված աշխատանքները՝ մասնաճյուղի տնօրեն Ա.Խառատյանն ասաց, որ մշտադիտարկման ընթացքում հանձնաժողովի կողմից նկատվել են որոշակի թերություններ և բացթողումներ, որոնք ներկայացվել են գիտխորհրդին: Դրանք հիմնականում ունեն տեխնիկական, երբեմն էլ՝ բովանդակային բնույթ: Նա հավելեց, որ այդ բացթողումների վրա չի կարելի աչք փակել և անհրաժեշտ է վերացնել դրանք: Այդ նպատակով առաջարկվել է խստացնել մասնաճյուղի համապատասխան ստորաբաժանումների վերահսկողությունը: Նա հավելեց, որ այս փուլում մշտադիտարկումը երկու հիմնական նպատակ էր հետապնդում՝ կրթության որակի մակարդակի բարձրացում և բացահայտում այն հարցի, թե քննաշրջանը որքանով է ծառայում և օգտակար ուսանողների կրթության վերջնարդյունքների ձևավորման համակարգում: Իսկ այս հարցերի պատասխանը կտա ձմեռային քննաշրջանի մշտադիտարկումը, որի արդյունքում պարզ կդառնա, թե ինչպիսի դրական արդյունքեր են արձանագրվել ամառային քննաշրջանի մշտադիտարկումից հետո, ինչպիսի բացթողումներ կան, որոնք դեռևս շտկման կարիք ունեն: IMG_0513

1795248_694601803947779_8784968121273228507_oՀոկտեմբերի 3-5-ը Երևանի մաթեմատիկական մեքենաների գիտահետազոտական ինստիտուտի (Մերգելյան) «Երևան Էքսպո» կենտրոնում կայացավ տեխնոլոգիական ոլորտի ամենախոշոր միջոցառումը` «Digitec EXPO-2014» միջազգային ցուցահանդեսը:  

ՀՊՃՀ Վանաձորի մասնաճյուղի տնօրինության օժանդակությամբ ցուցահանդես այցելեցին մասնաճյուղի ուսանողներն ու ավագ դպրոցի ռոբոտատեխնիկայի խմբակի աշակերտները: Ուսանողներն ու աշակերտները մասնակցեցին «Ռոբոտներն առօրյայում» փառատոնին, ԻՏՁՄ տնօրեն Կարեն Վարդանյանի «ԱրմՌոբոտիքս» ծրագրի ներկայացում սեմինարին, ՀՊՃՀ ուսանող Հայկ Հարությունյանի «Ռոբոտ ձեռք» և Սայմոտեկ ընկերության աշխատակից Հրաչ Խաչատրյանի «Ռոբոտներն ամենուրեք» թեմայով սեմինարներին: Աշակերտները շատ ոգևորվեցին` իրենց հասակակիցների ստեղծած ռոբոտները և նախագծերը տեսնելով: Նրանք համոզմունք հայտնեցին, որ հաջորդ տարի ցուցահանդես կգան ոչ թե որպես այցելուներ, այլ որպես մասնակիցներ՝ ներկայացնելու իրենց ստեղծած ռոբոտներն ու այլ աշխատանքները:printer

«Digitec EXPO-2014» ցուցահանդեսին մասնակցում էր ավելի քան 130 կազմակերպություն: ՀՊՃՀ-ն այս տարի ներկայացնում էր ոչ միայն ճարտարագիտական նոր լուծումներ առաջարկող նախագծեր, այլև լրացուցիչ մասնագիտական կրթական ծառայություններ: Բավականին տպավորիչ էին Հայկական ազգային ճարտարագիտական լաբորատորիաները (ANEL), որտեղ ներկայացված էին 30-ից ավել ուսանողական հետաքրքիր նախագծեր՝ հողմակայան՝ գիշերային լուսավորության համար, տոմսերի զննման համակարգ, մետեոկայան, գույնի տարբերակիչ, իոնոֆոն, «Smart» անձրևանոց, «Smart» լուսացույց, բուրգ հոլոգրամ և այլն:

Տեխնոլոգիական տոնը հայկական մշակույթով գեղեցկացրեց մասնաճյուղի գործընկեր «Ինստիգեյթ ուսումնական կենտրոն» հիմնադրամը, ում աշխատակիցները պարեցին հայկական ավանդական քոչարին Մերգելյան ինստիտուտի բակում:

Ուսանողները, այցելելով տեխնոլոգիական ցուցահանդեսը, զրուցելով տարբեր ձեռնարկությունների աշխատակիցների հետ, համոզվեցին, որ ճիշտ են ընտրել իրենց ապագա մասնագիտությունը: Իսկ աշակերտներից շատերն այդ օրը որոշեցին, որ պետք է դառնան ծրագրավորողներ:

usanox10700195_694601823947777_3940626310818080694_orobot

IMG_4149   Օրերս Երևանի պետական ֆիզկուլտուրայի ինստիտուտում անցկացվեց բազկամարտի ուսանողական հանրապետական միջբուհական մրցաշար, որը կազմակերպվել էր ԲՀԿ նախագահ Գագիկ Ծառուկյանի հովանավորությամբ: Մրցաշարին մասնակցում էր նաև ՀՊՃՀ Վանաձորի մասնաճյուղի ինֆորմատիկա և հաշվողական տեխնիկա բաժնի 1-ին կուրսի ուսանող Վաչագան Հովհաննիսյանը: Մինչև 60 կգ քաշային կարգում մեր մարզիկը հաղթեց բոլոր մրցակիցներին և արժանիորեն նվաճեց չեմպիոնի կոչումը: ՀՊՃՀ Վանաձորի մասնաճյուղի ողջ անձնակազմի կողմից սրտանց շնորհավորում ենք Վաչագանին` նրան մաղթելով նորանոր հաջողություններ ինչպես սպորտի, այնպես էլ ուսման բնագավառում:

   photo 1Օրերս մաթեմատիկա առարկայից ուսանողական օլիմպիադա անցկացվեց ՀՊՃՀ Վանաձորի մասնաճյուղում: Այն կազմակերպվել էր մաթեմատիկայի և գրաֆիկայի ամբիոնի կողմից` ֆիզմաթ գիտությունների դոկտոր Ռ. Դալլաքյանի նախաձեռնությամբ: Օլիմպիադան նվիրված էր մասնաճյուղի հիմնադրման 55-ամյակին: Անցկացվեց առաջին փուլը, որին մասնակցեցին մասնաճյուղի առաջին կուրսերի վաթսունից ավելի ուսանողներ: Ինչպես իր բացման խոսքում ասաց տնօրեն Արմեն Խառատյանը,  մասնաճյուղում շատ են անցկացվել դպրոցական օլիմպիադաներ, մինչդեռ ուսանողական օլիմպիադա անցկացվում է առաջին անգամ: Նա համոզմունք հայտնեց, որ նման օլիմպիադաները շարունակական բնույթ կկրեն և կնպաստեն ուսանողների մտահորիզոնի և մտքի ճկունության զարգացմանը: Արմեն Խառատյանը ընդգծեց այն կարևոր դերը, որ խաղացել է մասնաճյուղը տարածաշրջանի և մասնավորապես` Վանաձոր (նախկին Կիրովական) քաղաքի արդյունաբերության զարգացման հարցում: Այսօր էլ մեծ առաքելություն է դրված բուհի առջև՝ անհրաժեշտ է վերականգնել մեր քաղաքի երբեմնի արդյունաբերական պոտենցիալը, որի համար առաջին հերթին անհրաժեշտ են լավ մասնագետներ: Նա հույս հայտնեց, որ այսօրվա օլիմպիադայի մասնակիցները կդառնան լավագույն մասնագետներ և կնպաստեն վաղվա Հայաստանի Հանրապետության զարգացմանն ու բարգավաճմանը:

photo 2

     Օլիմպիադան անցկացվելու է երեք փուլով: Առաջին փուլի ավարտից հետո լավագույններ ճանաչվեցին Լուսինե Աղվանյանի, Հասմիկ Կիրակոսյանի, Էդիտա Ղազարյանի, Արշակ Թավադյանի և Ասյա Գևորգյանի աշխատանքները: Յուրաքանչյուր փուլում կընտրվեն տվյալ փուլում գրված լավագույն աշխատանքները, որի արդյունքում էլ` այն ուսանողները, ովքեր կմասնակցեն Երևանում անցկացվելիք հանրապետական օլիմպիադային:

IMG_8903       Այս տարվա ապրիլին ՀՊՃՀ-ի Վանաձորի մասնաճյուղի և Նովոսիբիրսկի ճարտարապետաշինարարական համալսարան­ների միջև կնքվել էր համագործակցության պայմանագիր, որի հիման վրա կողմերը փոխադարձաբար ստանձնել էին որոշակի պարտավորություններ: Դրանք մասնավորա­պես վերաբերում էին ուսումնական գործընթացների և գիտահետազոտական աշխատանքների ժամանակակից ձեռքբերում­ների  վերաբերյալ ինֆորմացիաների փոխանակմանը, երկու բուհերի համանման ուղղություններով բարձրորակ մասնագետների՝ պրոֆեսորադասախոսական կազմի, ասպիրանտների, մագիստրոսների, բակալավրերի համատեղ պատրաստմանը, ղեկավար աշխատողների, պրոֆեսորադասախոսական կազմի, գիտական աշխատողների և ուսանողների փոխանակմանը, ուսանողների  նպատակային պրակտիկաների կազմակերպմանը, համատեղ համաժողովների և սեմինարների կազմակերպմանն ու կատարված  աշխատանքների արդյունքների քննարկմանը, կատարված գիտական աշխատանքների հրատարակմանը և այլն:

Համագործակցության շրջանակներում օրերս ՀՊՃՀ-ի Վանաձորի մասնաճյուղում հյուրընկալվել էր Նովոսիբիրսկի վերոնշյալ համալսարանի ռեկտոր, տ.գ.դ., պրոֆեսոր Յուրի Սկոլուբովիչը: Այցի նպատակն էր փոխադարձ գիտակրթական ոլորտների ուսումնասիրումը և համագործակցության ընդլայնումը:  ‹‹Անհրաժեշտ է պայմանագրով վավերացված պայմաններն իրականություն դարձնել››,- ասաց նա: Յուրի Սկոլուբովիչը մասնաճյուղի պրոֆեսորադասախոսական կազմի աշխատակիցներին ներկայացրեց իրենց բուհը, պատասխանեց տրված բազմաբնույթ հարցերին, որոնք հիմնականում վերաբերում էին ուսումնական, գիտահետազոտական, վարչարարական  աշխատանքների կազմակերպմանը: Նա համոզմունք հայտնեց, որ այս համագործակցությունը մեծապես կնպաստի երկու բուհերի պրոֆեսորադասախոսական կազմի աշխատողների որակի բարձրացմանը, բարձրորակ, եվրոպական չափանիշներին համապատասխան մասնագետների պատրաստմանը: Նշվեց նաև, որ համատեղ գիտական և դիպլոմային աշխատանքների թեմաների ընտրության ժամանակ առաջնահերթ կերպով հաշվի կառնվեն հայաստանյան շուկայի առանձնահատկությունները, կընտրվեն այնպիսի թեմաներ, որոնք մեծապես կնպաստեն Հայաստանի Հանրապետության և Նովոսիբիրսկի մարզի տնտեսական, շուկայական հարաբերությունների զարգացմանը:

Այնուհետև հարցի առթիվ ելույթ ունեցավ ՀՊՃՀ-ի ռեկտոր, տ.գ.դ, պրոֆեսոր Հովհաննես Թոքմաջյանը, ով նույնպես կարևորեց այս համագործակցության դերը՝ նշելով, որ այն խիստ արդիական է, կնպաստի  երկու բուհերի ուսումնական և գիտական մակարդակների բարձրացմանը, որակյալ մասնագետների պատրաստմանը: Ռեկտորն անդրադարձավ նաև այն հարցին, որ շուտով ՀՊՃՀ-ն դառնալու է հիմնադրամ, որը, ի տարբերություն ՊՈԱԿ-ի,  հնարավորություն կընձեռի բուհին ունենալու արտադրություն. ‹‹Մեր միտքը պիտի դարձնենք ապրանք, ապրանքը վաճառենք շուկայում››,-  ընդգծեց նա:

Հուրախություն մասնակիցների՝ հանդիպմանը  ներկա էր ռեկտորի խորհրդական, ճանաչված շախմատիստ, միջազգային գրոսմայստեր Ռաֆայել Վահանյանը: Օգտվելով առիթից՝ Հովհաննես Թոքմաջյանն ասաց, որ շատ շուտով մասնաճյուղում բացվելու է շախմատի ակումբ, կանցկացվեն մրցաշարեր և՛ պրոֆեսորադասախոսական կազմի, և՛ ուսանողների մասնակցությամբ:

Հանդիպման վերջում ռեկտորը պատասխանեց ներկաների՝ մասնաճյուղին վերաբերող բազմաբնույթ հարցերին:

IMG_1928

IMG_8508Հունիսի 27-ին ՀՊՃՀ-ի Վանաձորի մասնաճյուղում տեղի ունեցավ 2013-2014 ուստարվա շրջանավարտների դիպլոմների հանձնման հանդիսավոր արարողություն: Միջոցառումը, որը վարում էր մասնաճյուղի աշխատաշուկայի ուսումնասիրման և մասնագիտական կարիերայի կենտրոնի ղեկավար Նելսոն Մամուլյանը, սկսվեց ՀՊՃՀ-ի հիմնով: Նա, շնորհավորելով շրջանավարտներին, մասնավորապես նշեց, որ վերջիններս, մասնաճյուղի հիմնադրման օրվանից սկսած, մեր բուհի հաջողությունն են, հպարտությունն ու ձեռքբերումը, և այս պահին մեզ համար հույժ կարևորվում են շրջանավարտների կողմից ձեռք բերված գիտելիքները, հմտություններն ու կարողությունները, որոնք նրանք կիրառելու են իրենց մասնագիտական տիրույթներում: Այնուհետև շրջանավարտներին ուղղված շնորհավորական խոսքով հանդես եկավ մասնաճյուղի տնօրեն ԱրմենԽառատյանը, նշելով, որ այսօր առանձնակի օր է, քանի որ այս տարի լրացավ ՀՊՃՀ-ի Վանաձորի մասնաճյուղի հիմնադրման 55-ամյակը: Իր խոսքում նա առանձնահատուկ կերպով շեշտեց այն կարևոր ու առաջնային դերը, որ խաղացել է Վանաձորի Պոլիտեխնիկը Հայաստանի հյուսիսային շրջանների և մասնավորապես Լոռու մարզի համար: «Այն հանգամանքը, որ Վանաձորը եղել է արդյունաբերական հզոր քաղաք, իր անուրանալի դերն է ունեցել մեր բուհը»,- ասաց նա: Նա հավելեց, որ այսօր էլ մեծ առաքելություն է դրված բուհի առջև, քանզի անհրաժեշտ է վերականգնել մեր քաղաքի երբեմնի արդյունաբերական պոտենցիալը: Արմեն Խառատյանը այս հարցում առանձնապես կարևորեց նաև մասնաճյուղին կից երկու մասնաշենքերում կառուցվելիք տեխնոլոգիական կենտրոնի հանգամանքը, որը, անշուշտ, կնպաստի բուհի կատարելագործմանն ու նրա վարկանիշի բարձրացմանը: Տնօրենը նշեց, որ շրջանավարտները ծանր ու դժվարին ճանապարհ են անցել, աշխատանքի, կրթության, հետազոտության ճանապարհ: Նրանցից շատերը ուսումնառության ընթացքում զբաղվել են հետազոտական աշխատանքով, հոդվածներ են տպագրել, նրանց ավարտական թեզերից շատերը ներդրվել են ինչպես արդյունաբերության, այնպես էլ արտադրության այլ բնագավառներում: «Ես համոզված եմ, որ մեր շրջանավարտներն իրենց գիտելիքները կներդնեն ի նպաստ մեր երկրի, մեր մարզի բարգավաճման ու զարգացման»,- ասաց նա: Տնօրենը նաև նշեց, որ վերջիններս դառնում են  յուրօրինակ ջահակիրներ, ովքեր իրենց ջահի՝գիտության լույսով են տարբեր շրջաններից, տարբեր քաղաքներից մեր բուհ բերում նորանոր ուսանողներ՝ այս առումով յուրօրինակ գովազդ հանդիսանալով բուհի համար: Միաժամանակ նա մեծ գոհունակությամբ ընդգծեց այն, որ վերջիններս չեն բավարարվում բակալավրական կրթությամբ, այլ շարունակում են իրենց ուսումը մագիստրատուրայում՝ և՛ մասնաճյուղում, և՛ մայր բուհում:

Շրջանավարտներին ողջույնի խոսքեր ուղղեցին նաև տեխնոլոգիաների և ճյուղային տնտեսագիտության ֆակուլտետի դեկան Միշա Սիմոնյանը, գիտական գծով փոխտնօրեն Վոլոդյա Բալայանը, շինարարության և լեռնային գործի ամբիոնի վարիչ Աշոտ Գյուրջինյանը, ովքեր բարի երթ մաղթեցին նրանց՝ համոզմունք հայտնելով, որ ուր էլ որ լինեն, միշտ բարձր կպահեն հարազատ համալսարանի պատիվը:

Բոլոր շրջանավարտների անունից բուհին, պրոֆեսորադասախոսական անձնակազմի անդամներին շնորհակալություն հայտնեց մասնաճյուղի ուսխորհրդի նախագահ Դավիթ Խառատյանը, ով շնորհավորելով իր ընկերներին, խոստացավ, որ իրենք ամենուր բարձր կպահեն սիրելի բուհի պատիվը և իրենց գործունեությամբ կնպաստեն մեր հայրենիքի զարգացմանն ու բարգավաճմանը:

Հանդիսավոր արարողությունն ավարտվեց դիպլոմների հանձնմամբ. ընդանուր առմամբ՝դիպլոմներ ստացան հարյուր երեք շրջանավարտ, որոնցից տասը՝ գերազանցության:

IMG_8514

IMG_8492

IMG_8251Մայիսի 12-14-ը հոբելյանական ուսանողական տարեկան գիտաժողով տեղի ունեցավ ՀՊՃՀ-ի Վանաձորի մասնաճյուղում, որը նվիրված էր մասնաճյուղի հիմնադրման հիսունհինգամյակին: Բացման խոսքով հանդես եկավ մասնաճյուղի տնօրեն Արմեն Խառատյանը: Շնորհավորելով մասնակիցներին՝ նա ընդգծեց այն կարևորագույն դերը, որ ունեցել է ՀՊՃՀ-ի Վանաձորի մասնաճյուղը ոչ միայն մեր քաղաքի, մարզի, այլև Հայաստանի հյուսիսային շրջանների զարգացման գործում: Այն հանգամանքը, որ խորհրդային շրջանում մեր քաղաքն ունեցել է հզոր և զարգացած արդյունաբերություն և որ կայացել է որպես արդյունաբերական քաղաք, իր անուրանալի դերն են ունեցել մասնաճյուղի շրջանավարտները: Նա նշեց նաև, որ այսօր էլ մեծ առաքելություն է դրված մասնաճյուղի առջև, քանզի տարածաշրջանին անհրաժեշտ են բարձրորակ մասնագետներ երբեմնի հզոր արդյունաբերական պոտենցիալը վերականգնելու նպատակով: Այդ առումով որոշակի դեր կարող է խաղալ նաև մասնաճյուղի երկու մասնաշենքերում տեխնոկենտրոնի ստեղծումը: Կարևորելով նմանատիպ գիտաժողովների անցկացումը՝ տնօրենը շեշտեց, որ բուհը ոչ միայն ուսումնառության օջախ է, այլև այնպիսի մի վայր, որտեղ ուսանողները պիտի զբաղվեն գիտահետազոտական աշխատանքով, նոր գաղափարներ երկնեն ու ներդնեն: Նա կարևորեց նման գիտաժողովների անցկացումը և´ բակալավրիատի, և´ մագիստրատուրայի ուսանողների համար, քանի որ դրանք կօգնեն հետագայում ուսումն ասպիրանտուրայում շարունակելիս, կնպաստեն, որ բուհի շրջանավարտները երկրի համար դառնան լավ ճարտարագետներ: «Մեր դասախոսների մեծ մասն անցել է այդ ճանապարհով, եղել է ուսանողական գիտական կոնֆերանսի լավագույն մասնակիցներ, և ես գտնում եմ, որ այդ փորձը շարունակական կլինի», – ասաց Արմեն Խառատյանը:

ՈւԳՀԱ պատասխանատու Հենրիկ Պողոսյանն էլ մասնակիցներին մաղթեց ստեղծագործական բեղմնավոր աշխատանք և ցանկություն հայտնեց, որ նրանց գիտական աշխատանքները կրեն շարունակական բնույթ, այսինքն՝ ցածր կուրսերում ընտրած իրենց թեմաները հետագայում զարգացնեն բարձր կուրսերում, մագիստրատուրայում և ասպիրանտուրայում: Միաժամանակ գտնում է, որ լավ կլինի, որ բարձր կուրսերի ուսանողներն իրենց աշխատանքները կատարելիս ներգրավեն ցածր կուրսերի ուսանողներին, քանի որ այդ հանգամանքը վերջիններիս համար կարող է ծառայել որպես յուրօրինակ պրակտիկա:

Գիտաժողովում գործում էր ինը սեկցիա, ընդհանուր առմամբ՝ եղան քառասունվեց զեկուցումներ: Մայիսի 14-ին գիտաժողովի աշխատանքներին ներկա գտնվեցին ՀՊՃՀ-ի ռեկտոր Հ.Թոքմաջյանը, պրոռեկտոր Ս.Աղբալյանը, աշխատակազմի ղեկավար Լ.Դաշտոյանը: Իրենց գոհունակությունը հայտնելով` նրանք ընդգծեցին մասնաճյուղի ուսանողների գիտական մեծ պոտենցիալը, նրանց մաղթեցին նորանոր հաջողություններ ուսումնառության և գիտության բնագավառում:

Լավագույններ ճանաչվեցին Անահիտ Վահանյանի, Էդվարդ Շահինյանի, Սամվել Կիրակոսյանի, Ալեն Հակոբյանի, Արծվի Կարայանի, Լևոն Միրզոյանի, Դավիթ Խառատյանի, Գոհար Դարբինյանի, Արփինե Ամիրխանյանի, Անուշ Հակոբյանի, Աստղիկ Սարոյանի, Զարմուհի Դարչինյանի, Վահե Մելքոնյանի զեկուցումները:

IMG_8266                                      IMG_8274 (1)

Անահիտ Վահանյանի «Տրանսֆորմեր հասկացության կիրառումը շրջազգեստի մոդելավորման մեջ» զեկուցման մեջ հեղինակը տրանսֆորմեր հասկացությունն օգտագործել է շրջազգեստի մոդելավորման մեջ՝ ստեղծելով երեկոյան շրջազգեստ-տրանսֆորմերի երեք մոդելներ: Ձևափոխությունները կատարվել են նախագծման մեջ բարդ գոտի համարվող ուսագոտում:

Դավիթ Խառատյանն իր «Ռիսկերի հեջավորումը ածանցյալ գործիքների միջոցով» հոդվածում անդրադարձել է հեջավորման ռազմավարություններին և կատարել դրանց վերաբերյալ վերլուծություններ:

Աննա Եղոյանը «Արտադրանքի որակի կառավարման խնդիրները մեքենաշինական ձեռնարկությունում» հոդվածում արտադրանքի տեխնիկական որակի վրա տեխնոլոգիական գործընթացի պարամետրերի ազդեցությունը գնահատելու համար ուսումնասիրել է Վանաձորի «Ավտոգեն-Մ» գործարանում արտադրվող «Մայակ-2-01» ВАГ 2016.00.00 գազակտրիչի տեխնիկական որակը՝ հետազոտման առարկա ընտրելով գազակտրիչի ВАГ 2016.03.01-01 իլ կառուցվածքային տարրը:

Էդ. Շահինյանը «Երիտասարդության ներգրավումը բիզնեսի մեջ» զեկուցման մեջ անդրադարձել է ՀՀ-ում ներկայումս առկա ամենացավոտ հարցերից մեկին՝ երիտասարդության կողմից բիզնեսի կազմակերպմանը, որը, անշուշտ, զգալիորեն կնվազեցնի երիտասարդության արտագաղթը:
Լավագույն աշխատանքները ներկայացվեցին խրախուսման: Միաժամանակ որոշվեց լրամշակումից հետո դրանք ներկայացնել ՀՊՃՀ-ի տարեկան գիտաժողովին:

Ամփոփելով գիտաժողովի արդյունքները՝ կարող ենք արձանագրել, որ այն քանիցս ապացուցեց նշված գործիքի անհրաժեշտությունը համալսարանական միջավայրում, այն, թե ինչպես պիտի ուսանողները կարողանան ինքնուրույն գործունեություն ծավալել հարափոփոխ միջավայրում, ունենան չափելի և փոխանցելի հմտություններ, ուսումնառության ընթացքում կարողանան իրականացնել գիտական հետազոտություններ և դրանց արդյունքները դարձնեն կիրառելի:

 

IMG_0371Մայիսի 8-ին ՀՊՃՀ Վանաձորի մասնաճյուղն իր հարկի տակ էր հավաքել Վանաձորի տարբեր դպրոցների 9-12-րդ դասարանների 44 աշակերտի, ովքեր իրենց ուժերը չափեցին “Մաթեմատիկա” առարկայի իմացությունից: Դպրոցականների օլիմպիադան կազմակերպվել էր ՀՊՃՀ Վանաձորի մասնաճյուղի հիմնադրման 55-ամյակի կապակցությամբ:

Մասնակիցներին ողջունեց Մասնաճյուղի ավագ դպրոցի տնօրեն Արմեն Սիրադեղյանը՝ հակիրճ ակնարկով անդրադառնալով բուհի պատմությանը՝ հիմնադրման օրվանից առայսօր: Նա մասնավորապես նշեց, որ նախկին պոլիտեխնիկը, այսօր արդեն Հայաստանի պետական ճարտարագիտական համալսարանի Վանաձորի մասնաճյուղը, անգնահատելի դերակատարում է ունեցել ոչ միայն մարզկենտրոնի արդյունաբերության զարգացման, այլև Հայաստանի հյուսիսային տարածաշրջանի համար պրոֆեսիոնալ ճարտարագիտական կադրեր պատրաստելու գործում: Այսօր ևս թե՛ դպրոցում, թե՛ բուհում ստեղծված են հնարավոր պայմանները՝ բուհի լավագույն ավանդույթները պահպանելու և զարգացնելու համար:

Ա.Սիրադեղյանը կարևորեց ազնիվ մրցակցությունը, որովհետև օլիմպիադան գիտելիքների յուրատեսակ ստուգում է տարեվերջյան քննություններից առաջ, ինչպես նաև սեփական գիտելիքներն օբյեկտիվորեն գնահատելու հնարավորություն:IMG_0430

Մրցանակային տեղերը սահմանվել էին երկու տարիքային խմբերի համար՝ 9-10-րդ և 11-12-րդ  դասարանների համար: Առաջին խմբում 1-ին և 3-րդ մրցանակային տեղերը մնացին թափուր՝ սահմանված միավորների շեմը չհաղթահարելու պատճառով: Երկրորդ կարգի  դիպլոմների արժանացան Ռաֆայել Դարբինյանը (թիվ 23 հիմնական դպրոց), Վազգեն Զոհրանյանը (թիվ 5 ավագ դպրոց), Նաիրա Մնացականյանը (թիվ 11 ավագ դպրոց): Եվս երեք աշակերտներ ստացան խրախուսական պատվոգրեր՝ Արթուր Գրիգորյան, Լարիսա Ղուկասյան, Նարեկ Հովհաննիսյան (բոլորը՝ թիվ 11 ավագ դպրոցից):

11-12-րդ դասարանների խմբում հաղթող ճանաչվեցին Արմեն Աբովյանը, Գևորգ Մնացականյանը (երկուսն էլ՝ թիվ 11 ավագ դպրոցից), Վաչագան Հովհաննիսյանը, Լուսինե Աղվանյանը (երկուսնէլ՝ ՀՊՃՀ ՎՄ ավագ դպրոցից): Երկրորդ կարգի դիպլոմի արժանացան Մարիամ Մարտիրոսյանը, Աշխեն Ամիրխանյանը (երկուսնէլ՝ թիվ 11 ավագ դպրոցից), Հասմիկ Կիրակոսյանը (ՀՊՃՀ ՎՄ ավագ դպրոց): Երրորդ մրցանակային տեղը զբաղեցրեց Վոլոդյա Իսմաիլյանը (ՀՊՃՀ ՎՄ ավագ դպրոց): Այս խմբում ևս երկու աշակերտներ արժանացան խրախուսական պատվոգրերի՝ Վահրամ Վանյան, Էդգար Ստեփանյան (երկուսնէլ՝ ՀՊՃՀ ՎՄ ավագ դպրոցից):

Մայիսի 6-ին ՀՊՃՀ Վանաձորի մասնաճյուղի ուսանողներն այցելեցին Հայաստանի ազգային ճարտարագիտական լաբորատորիաներ: Լաբորատորիաները հիմնականում նախատեսված են ՀՊՃՀ և նրա բոլոր մասնաճյուղերի ուսանողների լաբորատոր և գիտահետազոտական աշխատանքների կատարման համար:

SAM_9817 Մասնաճյուղի ուսանողները նախ շրջեցին նորաստեղծ լաբորատորիաներով, ծանոթացան սարքավորումներին: Նրանք տպավորված էին տվյալների հավաքագրման-չափումների գիտահետազոտական, ճշգրիտ փորձարկումների, գերբարձր հաճախությունների, ռոբոտաշինության, միկրոկարգավորիչների, կապի համակարգերի, հեռահաղորդակցման, չափագիտության, էներգետիկայի, էլեկտրական մեքենաների, ուժային էլեկտրոնիկայի, էլեկտրատեխնիկայի, նյութերի դիմադրության ժամանակակից սարքավորումներով հագեցած լաբորատորիաներով:

Այնուհետև ուսանողները երեք ժամ շարունակ տարբեր տիպի լաբորատոր աշխատանքներ կատարեցին էլեկտրատեխնիկայի, նյութերի դիմադրության և ռոբոտատեխնիկայի լաբորատորիաներում: Նյութերի դիմադրության լաբորատորիայում նորագույն սարքավորման միջոցով նրանք կատարեցին ոլորման փորձ՝ Լ. Հարությունյանի ղեկավարությամբ: Իսկ ռոբոտաշինության լաբորատորիայում նախ ստացան ընդհանուր տեղեկություններ ռոբոտների, տվիչների վերաբերյալ, այնուհետև աշխատեցին ռոբոտների հետ, փորձ կատարեցին SMART Vision System համակարգի հետ: Դասը վարում էր Ա. Հովհաննիսյանը: Մեխանիկա-մեքենագիտության լաբորատորիայում փորձ կատարեցին PXI սարքավորման վրա, որտեղ ակնառու տեսան շարժիչի աշխատանքը՝ կախված արագությունից և տարբեր պայմաններից:

Վանաձորի մասնաճյուղի ուսանողներին ոգևորեցին նաև իրենց հասակակիցների աշխատանքները` շրջված ճոճանակը, SMART ջերմոցը, մագնիսական լևիտացիոն սարքը, ճանապարհային երթևեկության լուսացույցերի ավտոմատ ղեկավարման համակարգը, Դելտա ռոբոտը, լուսային խորանարդը և այլն:

Նման այցելությունները պետք է կրեն շարունակական բնույթ, որի արդյունքում մասնաճյուղի յուրաքանչյուր ուսանող հնարավորություն կունենա իր լաբորատոր և գիտահետազոտական աշխատանքներն իրականացնել նորագույն սարքավորումներով և տեխնիկայով հագեցած ՀՊՃՀ ազգային ճարտարագիտական լաբորատորիաներում:

Շուտով նմանատիպ լաբորատորիաներ, ավելի փոքր ծավալներով, կստեղծվեն ՀՊՃՀ-ի մասնաճյուղերում, բացի այդ` հեռակառավարման սկզբունքով էլեկտրոնային կապ կապահովվի մայր համալսարանի հետ, ինչը հնարավորություն կընձեռի կազմակերպել տեսակոնֆերանսներ ՀՊՃՀ-ի մասնաճյուղերի և կենտրոնական կրթահամալիրի միջև:DSC00446

Ապրիլի 14-ին ՀՊՃՀ (Պոլիտեխնիկ) Վանաձորի մասնաճյուղում տեղի ունեցավ հանդիպում ”Orange Armenia”-ի հայաստանյան գրասենյակի տնօրեն Ֆրանսիս Ժելիբտերի հետ: Բացման խոսքով հանդես եկավ մասնաճյուղի տնօրեն Արմեն Խառատյանը: Նա նշեց, որ “Orange Armenia”-ի հետ համագործակցությունն արդեն երեք տարվա պատմություն ունի: 2011թ. կնքվել է համագործակցության համաձայնագիր, որի համաձայն` գրասենյակի կողմից մասնաճյուղում ստեղծվել է Օրանժի հատուկ անկյուն, որն ուսանողներին հնարավորություն է ընձեռում անսահմանափակ կերպով անվճար օգտվելու համացանցից: Օրանժը բուհում անցկացրել է սեմինարներ, բացի այդ՝ ուսանողներն ուսումնական պրակտիկան անցկացնում են Օրանժի գրասենյակներում՝ ստանալով որոշակի աշխատավարձ, որը նրանց հնարավորություն է տալիս հետագայում աշխատանքի անցնելու ընկերությունում: Շնորհակալություն հայտնելով կատարված աշխատանքների համար՝ Ա.Խառատյանը համոզմունք հայտնեց, որ սույն համագործակցությունն էլ ավելի կնպաստի ուսանողների առաջադիմության և հետագա կարիերայի աճին:

 

Շարունակել ընթերցումը