Հայաստանի ազգային պոլիտեխնիկական համալսարանի Վանաձորի մասնաճյուղում մեկնարկել է խոսակցական անգլերենի անվճար դասընթաց՝ ամերիկացի լեզվակիրների հետ: Դասընթացը վարում են ամերիկացի կամավորներ Դեյվիդը և Սինդին։
![](http://polytechvan.am/wp-content/uploads/2024/02/IMG-20240214-WA0010.jpg)
Ինչպես գիտենք, կրթության մեջ լեզուների իմացությունն առանձնակի կարևորություն ունի, օտար լեզվի իմացությունն աշխարհին հաղորդ լինելու հնարավորություն և միջոց է, որը մեր առջև բացում է լայն հնարավորություններ:
Ուստի, այս դասընթացի նպատակն է բարելավել ուսանողների անգլերենի իմացության մակարդակը, խթանել ուսանողների մասնակցությանը փոխանակման, միջազգային տարբեր ծրագրերին։
Մասնաճյուղի տնօրեն Արմեն Խառատյանը բազմիցս նշում է. «Պոլիտեխնիկցիներն առանձնանում են տեխնիկական գիտելիքներով և նորաստեղծային հատկանիշներով, ուստի կարևորում ենք զարգացնել նաև լեզվական հմտությունները: Ճարտարագետների լեզվական հմտություններն էլ ավելի են խթանում վերջիններիս մասնագիտական զարգացմանը, նպաստում են ուսանողների մասնակցությանը փոխանակման տարբեր ծրագրերին և մրցունակ կարիերայի ձևավորմանը»:
![](http://polytechvan.am/wp-content/uploads/2024/02/IMG-20240214-WA0018.jpg)
ՀԱՊՀ Վանաձորի մասնաճյուղը փորձում է անել լավագույնը՝ ի նպաստ ուսանողների։