Այսօր ՀԱՊՀ Վանաձորի մասնաճյուղի տնօրենը և արտաքին կապերի համակարգողը հանդիպում ունեցան «Սիներջի» ընկերության Վանաձորի մասնաճյուղի տեխնիկական ղեկավար Սրապ Հունանյանի հետ։ Քննարկվեցին բուհ-գործատու համագործակցության հեռանկարները, ուսանողների մրցունակության բարձրացման, վերապատրաստման դասընթացների կազմակերպման և աշխատանքի տեղավորման հարցեր, փոխշահավետ ծրագրեր, և այլն։
Մասնաճյուղը անընդմեջ իրականացնում է նմանատիպ հանդիպումներ, որոնք միտված են ուսանողների կրթության որակի բարձրացմանը, ինչպես նաև գործնական փորձի հարստացմանը։
Համատեղ քննարկվեց և նախատեսվեց նաև մշակել համագործակցության առավել արդյունավետ ձևաչափեր` կրթական ծրագրերի կատարելագործման և գործնական մակարդակում դրանց կիրառման համար։