Այսօր ՀԱՊՀ Վանաձորի մասնաճյուղի արտաքին կապերի և ուսանողական կարիերիայի կենտրոնի համակարգողը և բուհի լավագույն շրջանավարտներից Հասմիկն ու Անահիտը հանդիպում ունեցան թիվ 5 ավագ դպրոցի աշակերտների հետ` մասնագիտական կողմնորոշման նպատակով: Շրջանավարտները խոսեցին պոլիտեխնինական կրթության կարևորության մասին, ինչպես նաև նշեցին, թե ինչ առավելություններ են ունեցել` ավարտելով ՀԱՊՀ Վանաձորի մասնաճյուղը: Այսօր նրանք ունեն իրենց ուրույն տեղը աշխատաշուկայում և կերտում են իրենց կարիերան:
Շատ ջերմ և արդյունավետ հանդիպում ունեցանք, աշակերտները ոգևորությամբ հղում էին իրենց հարցերը և ստանում սպառիչ պատասխաններ: Բուհը կշարունակի համագործակցել դպրոցների հետ և իր հյուրընկալ դռները կբացի բոլոր աշակերտների համար:
