Հայաստանի Ազգային Պոլիտեխնիկական Համալսարանի

Պետրոս Մելքոնյանի անվան Վանաձորի մասնաճյուղ

Ժամանակակից լաբորատոր բազա

ՀԱՊՀ Վանաձորի մասնաճյուղի լաբորատոր պայմանները թույլ են տալիս ուսանողներին՝ կատարել արդյունավետ հետազոտություններ
Մանրամասն 

Հարուստ պատմություն

ՀԱՊՀ Վանաձորի մասնաճյուղը հիմնադրվել է 1959թ. և մինչ այժմ տվել է շուրջ 9000 շրջանավարտ
Մանրամասն 

Միջազգային ծրագրեր

ՀԱՊՀ Վանաձորի մասնաճյուղը եվրոպական համալսարանների ցանցի անդամ է և ունի բազմաթիվ համագործակից բուհեր ամբողջ աշխարհում
Մանրամասն 

Վերջին նորություններ

IMG_4806Այսօր՝ Գիտելիքի տոնին, Հայաստանի ազգային պոլիտեխնիկական համալսարանի Վանաձորի մասնաճյուղը ջերմորեն ընդունեց առաջին կուրսեցիներին և ավագ դպրոցի 10-րդ դասարանի աշակերտներին՝ մաղթելով նրանց բարի նորամուտ: Հայաստանի ազգային պոլիտեխնիկական համալսարանը միշտ աչքի է ընկել հզոր պրոֆեսորադասախոսական կազմով, հմուտ մասնագետներով, ժամանակակից պահանջարկներին հարիր գիտելիքներով զինված շրջանավարտներով և այսօր այդ շարքերը կրկին համալրվում են, ուստի ՀԱՊՀ Վանաձորի մասնաճյուղը հպարտությամբ իր դռներն է բացել նոր ուսանողների առջև և համոզված է, որ երկիրը շենացնող, արարող և իրենց ուրույն տեղը գտնող մասնագետներ պիտի կերտվեն Պոլիտեխնիկի ընտանիքում:

Շնորհավորական ուղերձով հանդես եկավ ՀԱՊՀ Վանաձորի մասնաճյուղի տնօրեն Արմեն Խառատյանը, ով հանգամանալից ներկայացրեց ԲՈՒՀ-ի կառուցվածքը, գործող ծրագրերը, համակարգերը: Ինչպես նաև նշեց ԲՈՒՀ-ի առավելությունների, միջազգային կապերի, մայր ԲՈՒՀ-ի և իր բոլոր մասնաճյուղերի համագործակցության, ԲՈՒՀ-ում մշտապես գործող ավանդույթների մասին: Ուսանողներին և աշակերտներին շնորհավորեցին նաև «Տեխնոլոգիաների և ճյուղային տնտեսագիտության» ֆակուլտետի դեկան Մ. Սիմոնյանը, «Բնական գիտությունների և տեղեկատվական համակարգերի» ֆակուլտետի դեկան Է.Հարոյանը, ավագ դպրոցի տնօրեն Ա. Սիրադեղյանը, ուսանողական խորհրդի նախագահ Դ.Խառատյանը, «Որակի ապահովման և վերահսկման» բաժնի վարիչ Վ.Մամյանը, «Վանաձորի տեխնոլոգիական կենտրոնի» ներկայացուցիչ Ն.Մամուլյանը և Պաշտպանության Նախարարության 21/833 զորամասի մայոր Ավոյանը: Հուսով ենք՝ այն ավանդույթները, որոնցով հպարտացել է մեր ԲՈՒՀ-ը, ուսանողները նույնպես կլինեն դրանց կրողը, պահպանողը և հարստացնողը:

IMG_4833 IMG_4832 IMG_4815 IMG_4814 IMG_4809 IMG_4799

glxavor  Օգոստոսի 18-ին ՀԱՊՀ ռեկտոր, պրոֆեսոր Ո.Զ. Մարուխյանը, պրոռեկտոր, պրոֆեսոր Մ.Ք. Բաղդասարյանը, ռեկտորի տեղակալ Գ.Վարդանյանը աշխատանքային շրջայց կատարեցին ՀԱՊՀ Վանաձորի մասնաճյուղ: Սկզբում նրանք ծանոթացան մասնաճյուղի նախկին երեք մասնաշենքերի հենքի վրա սկսված տեխնոլոգիական կենտրոնի կառուցման աշխատանքներին: Տեխնոլոգիական կենտրոնի ստեղծումը կարևորագույն դեր ունի Լոռու մարզում ճարտարագիտական կրթության և տեխնոլոգիական նորաստեղծության զարգացման համար: Այնուհետև ՀԱՊՀ ղեկավարներն այցելեցին նորաստեղծ ժամանակակից համակարգչային տեխնիկայով զինված ռոբոտաշինության լսարան: Կարևոր է նշել, որ լսարանը ստեղծվել է մասնաճյուղի ավագ դպրոցի աշակերտների ողջունելի նախաձեռնությամբ, ովքեր ստեղծել են աշակերտական հասարակական կազմակերպություն՝ «Հզոր Պոլիտեխնիկ» անվանումով, որի աշխատանքը համակարգում է մասնաճյուղի համակարգչային լաբորատորիայի վարիչ՝ Արաքսյա Բալյանը: Աշակերտուհի Մարգարիտա Մարուքյանը ներկայացրեց իրենց ԱՀԿ-ի կատարած աշխատանքները, որի արդյունքում վերանորոգվել է այդ լսարանը, իսկ համակարգչային տեխնիկան և գույքը նվիրաբերել է «Հայաստան»  համահայկական հիմնադրամը: ՀԱՊՀ ղեկավարներն այցելեցին նաև մասնաճյուղի «Որակի ապահովման և վերահսկման» բաժին, «Արտաքին կապերի և ուսանողական կարիերայի» բաժին, էլեկտրոնային ընթերցասրահ, անգլիախոսների ակումբ, դեկանատներ, ուսումնամեթոդական բաժին, «Արդիական, միասնական Պոլիտեխնիկ» դրամաշնորհի շրջանակներում ստեղծված ճարտարագիտական Մեքենագիտության և էլեկտրատեխնիկայի լաբորատորիան, ուսխորհուրդ և այլն:

Հարութ Պրոնոզյանի անվան տեխնոլոգիական կարողություններով լսարանում տեղի ունեցավ հանդիպում՝ գիտխորհրդի անդամ դասախոսների և ուսանողների հետ: Գիտխորհրդի անդամները շնորհավորեցին նորընտիր ՀԱՊՀ ռեկտոր պրոֆեսոր Ո.Զ. Մարուխյանին, ինչպես նաև պրոռեկտոր պրոֆեսոր Մ.Ք. Բաղդասարյանին և ռեկտորի տեղակալ Գ.Վարդանյանին: Պրոֆեսոր Մարուխյանը հանգամանալից զրույց ունեցավ մասնաճյուղի գիտխորհրդի անդամների հետ և ներակայացրեց Պոլիտեխնիկի և նրա մասնաճյուղերի զարգացման սպասվելիք ծրագրերը, խնդիրները: Ելույթ ունեցան նաև պրոռեկտոր պրոֆեսոր Մ.Ք. Բաղդասարյանը, ռեկտորի տեղակալ Գ.Վարդանյանը: Տեղի ունեցավ մտքերի ակտիվ փոխանակում:

IMG_4710 IMG_4722 IMG_4698 IMG_4664 IMG_4651                                              IMG_4640

Շիֆր

Մասնագիտություն Քննությունները Տեղերը Այդ թվում ԲԶ Ոսման վարձը, հազ. դրամ
Մրցութային

Ոչ մրցութային

080600

Ձեռնարկությունների տնտեսագիտություն և կառավարում

Մ(գ)կամՖ(գ)

Ֆ(գ)** կամ Մ(գ)** Հլգ(գ)* Օտլ(գ)* 30 3

288000

190300

Փոխադրումների և ճանապարհային երթևեկության կազմակերպում և կառավարում

Մ(գ)

Ֆ(գ)** Հլգ(գ)* Օտլ(գ)* 30 3

240000

230100

Ինֆորմատիկա և հաշվողական տեխնիկա

Մ(գ)

Ֆ(գ)** Հլգ(գ)* Օտլ(գ)* 35 4

288000

240100

Քիմիական տեխնոլոգիաներ

Մ(գ)կամՖ(գ)

Ֆ(գ)** կամ
Ք(գ)**
Հլգ(գ)* Օտլ(գ)* 22 2

240000

270100

Շինարարություն, շինարարական իրերի և կառուցվածքների արտադրություն

Մ(գ)

Ֆ(գ)** Հլգ(գ)* Օտլ(գ)* 30 3

252000

Ընդամենը 147 15

Մ` մաթեմատիկա, Ֆ` ֆիզիկա, Հլգ՝ հայոց լեզու և գրականություն, բզ` ժամկետային զինվորական ծառայությունից զորացրված:

*-ով նշված ոչ մրցութային գնահատականը փոխանցվում է միջնակարգ կրթության ատեստատից կամ համապատասխան ավարտական փաստաթղթից:

**-ով նշված առարկաների համար՝ թափուր տեղեր առաջանալու դեպքում, այդ տեղերի մրցույթին մասնակցելու համար դիմորդները մասնագիտությունների և քննությունների ցանկում երկու աստղանիշերով նշված առարկաների համար որպես մրցութային գնահատական, կարող են դիմում-հայտում նախապես հայտագրել միջնակարգ կրթության ատեստատի կամ համապատասխան ավարտական փաստաթղթի` այդ առարկաների պետական ավարտական քննությունների գնահատականը, իսկ պետական ավարտական քննական գնահատականի բացակայության դեպքում` տարեկան գնահատականը:

1.  Դիմորդները քննությունները հանձնում են ՀՊՃՀ Վանաձորի մասնաճյուղում: Դիմորդն իր ցանկությամբ կարող է պահպանել 2014թ. և 2015թ. միասնական համակարգով հանձնած քննությունների գնահատականները կամ հանձնել քննություն: Մրցույթի ժամանակ հաշվի է առնվում ավելի բարձր գնահատականը:

2. Պարտադիր ժամկետային զինվորական ծառայությունից զորացրված դիմորդները քննությունները դրական միավորներով հանձնելու դեպքում բուհ են ընդունվում մրցույթից դուրս, ըստ նախարարության կողմից հաստատված տեղերի:

3. Կարող են ընդունվել բարձրագույն, միջնակարգ, միջնակարգ մասնագիտական և մասնագիտական տեխնիկական կրթություն ունեցող քաղաքացիները` առանց տարիքի սահմանափակման: Բուհ ընդունված ուսանողները չեն օգտվում զինվորական ծառայությունից տարկետման իրավունքից:

4. Փաստաթղթերի ընդունման և ձևակերպման համար դիմորդը վճարում է 1500 դրամ: Քննությունների կազմակերպման և անցկացման նպատակով յուրաքանչյուր քննության համար դիմորդը վճարում է 1500 դրամ: Անկախ քննությանը մասնակցելուց և արդյունքից` վճարված գումարը չի վերադարձվում:

5. Ընդունելության կանոնակարգով նախատեսված համապատասխան արտոնություններից օգտվող դիմորդները բուհ ընդունվելու դեպքում օգտվում են ուսման վարձի լրիվ փոխհատուցման իրավունքից:

6. Դիմումի հետ ներկայացվում են.

ա) միջնակարգ կրթության ատեստատը, միջին մասնագիտական և մասնագիտական տեխնիկական կրթության մասին փաստաթղթի բնօրինակը,

բ) 6 լուսանկար (3 x 4 չափսի),

գ) անձը հաստատող փաստաթուղթ (անձնագիր, զինվորական գրքույկ, ծննդյան վկայական, փախստականի վկայական, ՀՀ հատուկ անձնագիր, կացության վկայական,

դ) փաստաթուղթ զինվորական ծառայության հետ առնչության մասին

* զորակոչային տարիք ունեցող դիմորդներից փաստաթղթերն ընդունվում են զինհաշվառման փաստաթղթերում տարկետման իրավունքը հաստատող համապատասխան նշման առկայության դեպքում, իսկ նախկինում առողջական վիճակի կապակցությամբ տարկետում ստացածներից` ռազմաբժշկական հանձնաժողովի նշումների առկայության դեպքում),

ե) սահմանված արտոնություններից օգտվող դիմորդները ներկայացնում են համապատասխան փաստաթղթեր,

զ) զինվորական գրքույկ և զինկոմիսարիատից տեղեկանք ժամկետային զինվորական ծառայությունն անցնելու մասին,

է) միջազգային և հանրապետական մրցույթների (օլիմպիադաներ, փառատոններ) դիպլոմները,

ը) 2015թ. (2014թ.) «Մաթեմատիկա», «Ֆիզիկա», «Քիմիա» առարկաների ավարտական միասնական քննությունների վկայագիր (առկայության դեպքում):

Փաստաթղթերն ընդունվում են մինչև սեպտեմբերի 20-ը:

Բոլոր հարցերով դիմել` ք.Վանաձոր, Շինարարների փող. 12, ՀԱՊՀ Վանաձորի մասնաճյուղ, հեռ. 5 69 29, 5 68 25:

ՀԱՊՀ Վանաձորի մասնաճյուղի ընդունող հանձնաժողով

Մասնաճյուղում առաջարկվող մասնագիտություններն են.

Ճարտարագիտության բակալավր, առկա/հեռակա ծրագրով.
1.    Ձեռնարկությունների տնտեսագիտություն և կառավարում (մեքենաշինության ճյուղում)**,
2.    Օգտակար հանածոների հետախուզում և մշակում,
3.    Էլեկտրաէներգետիկա*,
4.    Մետալուրգիա և նյութագիտություն,
5.    Մեքենաշինություն և նյութերի մշակում,
6.    Տրանսպորտային ուղիների, միջոցների շինարարություն, կառավարում և դրանց շահագործում*,
7.    Փոխադրումների և ճանապարհային երթևեկության կազմակերպում և կառավարում**,
8.    Ինֆորմատիկա և հաշվողական տեխնիկա**,
9.    Տեքստիլ և թեթև արդյունաբերության արտադրատեսակների տեխնոլոգիա,
10.    Շինարարություն, շինարարական իրերի և կառուցվածքների արտադրություն**,
11.    Քիմիական տեխնոլոգիաներ*, **:

* մասնագիտություններով 2015թ. առկա համակարգով ընդունելություն չի կազմակերպվելու,
**մասնագիտություններով կազմակերպվում է նաև հեռակա ընդունելություն:

Ճարտարագիտության մագիստրոսի  ծրագրով.
1.    Շինարարություն, շինարարական իրերի և կառուցվածքների արտադրություն
2.    Ձեռնարկությունների տնտեսագիտություն և կառավարում (մեքենաշինության ճյուղում):

Ավելի մանրամասն առաջարկվող մասնագիտությունների մասին

ԴԻՄՈՐԴԸ ԴԻՄՈՒՄ ՀԱՅՏԻ ՀԵՏ ՄԻԱՍԻՆ ՆԵՐԿԱՅԱՑՆՈՒՄ Է`

1) լուսանկարով տեղեկանք ավարտական դասարանում սովորելու մասին` հաստատված դպրոցի տնօրենի կողմից (նախորդ տարիների շրջանավարտները ներկայացնում են ավարտական փաստաթուղթ` ատեստատ կամ դիպլոմ).

2) 6 լուսանկար (3 x 4 սմ չափսի).

3) փաստաթուղթ զինվորական ծառայությանն առնչության մասին (զորակոչային տարիք ունեցող արական սեռի դիմորդներից փաստաթղթերն ընդունվում են զինվորական հաշվառման փաստաթղթերում՝ տարկետման իրավունք տվող համապատասխան նշման առկայության դեպքում, իսկ նախկինում առողջական վիճակի կապակցությամբ տարկետում ստացածներից` ռազմաբժշկական կենտրոնական հանձնաժողովի նշումների առկայության դեպքում).

4) անձը հաստատող փաստաթուղթ (անձնագիր, զինվորական գրքույկ, ծննդյան վկայական, փախստականի վկայական, Հայաստանի Հանրապետության հատուկ անձնագիր, կացության վկայական): Անձնագրի կամ ծննդյան վկայականի բացակայության դեպքում Հայաստանի Հանրապետության կառավարությանն առընթեր Հայաստանի Հանրապետության ոստիկանության կողմից տրվող՝ անձը հաստատող ժամանակավոր փաստաթուղթ.

5) զինվորական գրքույկ և զինվորական կոմիսարիատից տեղեկանք ժամկետային զինվորական ծառայությունն անցած լինելու, ծառայության վայրի և ծառայողական բնութագրի մասին.

6) սույն կարգի 105-րդ և 106-րդ կետերով սահմանված արտոնություններից օգտվող դիմորդները ներկայացնում են տվյալ արտոնություններից օգտվելու իրավունքը հավաստող փաստաթղթեր.

7) միջազգային և հանրապետական մրցույթների (օլիմպիադաներ, փառատոներ) դիպլոմները.

8) փաստաթղթերն ընդունելու և ձևակերպելու համար 1500-ական դրամ վճարելու վերաբերյալ անդորրագիրը:

105. Քննությունները դրական միավորներով հանձնելու դեպքում Հայաստանի Հանրապետության պետական բյուջեի միջոցների հաշվին մրցույթից դուրս ընդունվում են Հայաստանի Հանրապետության պաշտպանության ժամանակ զոհված (մահացած) զինծառայողների երեխաները, ժամկետային զինվորական ծառայության պարտականությունները կատարելիս հաշմանդամ դարձած քաղաքացիները` համաձայն Հայաստանի Հանրապետության պաշտպանության նախարարության, Հայաստանի Հանրապետության կառավարությանն առընթեր Հայաստանի Հանրապետության ոստիկանության և Հայաստանի Հանրապետության կառավարությանն առընթեր ազգային անվտանգության ծառայության տված տեղեկանքների:

 

106. Վճարովի համակարգի համար առնվազն անցումային միավորներ հավաքելու դեպքում անվճար ուսուցման համակարգ են ընդունվում`

1) 1-ին և 2-րդ խմբերի, ինչպես նաև մինչև 18 տարեկան մանկուց հաշմանդամները` համաձայն բժշկասոցիալական փորձաքննության գործակալության կողմից տրված եզրակացության.

2) առանց ծնողական խնամքի մնացած՝ մինչև 23 տարեկան երեխաները:

11657559_926247550749969_1258855349_n     2014-2015 ուստարում մեր ավագ դպրոցն ընդգրկվեց «Հայաստանի պատանեկան նվաճումներ» կազմակերպության կողմից իրականացվող «Ձեռնարկատիրական և քաղաքացիական կրթություն երիտասարդների համար» ծրագրում, որը հովանավորվում էր ԱՄՆ միջազգային զարգացման գործակալության կողմից: Մեկ ուսումնական տարի ՀԱՊՀ Վանաձորի մասնաճյուղի ավագ դպրոցի աշակերտները գործնական դասերի միջոցով պետք է ստանային ձեռնարկատիրական գործունեություն ծավալելու հմտություններ, ինչպես նաև հասարակական կազմակերպությունների գործունեության վերաբերյալ գիտելիքներ: Շարունակել ընթերցումը

avag dprocՓետրվարի տասնմեկին Վանաձորի ավագ դպրոցների հետ համագործակցության պայմանագրի շրջանակներում այդ դպրոցների աշակերտներն այցելեցին ՀԱՊՀ-ի Վանաձորի մասնաճյուղ: Աշակերտներն այցելեցին ճարտարագիտական լաբորատորիաներ, որոնք հիմնականում նախատեսված են ՀԱՊՀ-ի ուսանողների լաբորատոր և գիտահետազոտական աշխատանքների կատարման համար:

 Աշակերտները նախ շրջեցին տեխնիկապես գերհագեցած լաբորատորիաներով, ծանոթացան սարքավորումներին: Նրանք առանձնապես տպավորված էին ճշգրիտ փորձարկումների, ռոբոտաշինության, հեռահաղորդակցման և սարքավորումներով հագեցած լաբորատորիաներով: Շարունակել ընթերցումը

banak1  Հայաստանի ազգային պոլիտեխնիկական համալսարանի Վանաձորի մասնաճյուղի ավագ դպրոցի սաները հունվարի քսանինին շարունակեցին նշել բանակի կազմավորման քսաներեքերորդ տարելիցը:

Հայրենիք, հայրենասիրություն… սրանք արժեքներ ու գաղափարներ են, որոնք գոյություն ունեն յուրաքանչյուր անհատի մոտ, մեր դպրոցում նույնպես կարևորվում է ռազմահայրենասիրական դաս­տիարակությունը: Միջոցառումն սկսվեց ՀՀ-ի պետական հիմնով, ներկայացվեցին ազգա­յին պարեր, երգեր, բեմադրուրյուններ: Հատուկ հյուրերի ցանկում էին համալսարանի հետ համագործակցող զինված ուժերի ներկայացուցիչներ՝ N զորամասի հրամանատարի տեղակալ՝ Արա Եսայանը, վաշտի հրամանատարներ՝ Վահրամ Վիրաբյանը և Ռոման Օհանյանը: Նրանք ողջունեցին աշակերտներին, նշեցին, որ նմանատիպ միջոցառումներն են բերրի հող ստեղծում հայրենասիրական սերմեր աճեցնելու համար: Ի հավաստումն արդյունավետ համագործակցության՝ ՀԱՊՀ  Վանաձորի մասնաճյուղի տնօրեն Արմեն Խառատյանը շնորհակալագրեր հանձնեց զինվորական հյուրերին: Արա Եսայանը նշեց, որ կրթական հաստատությունների հետ իրենց համագործակցությունը կլինի շարունակական: Նա պատվոգրերով պարգևատրեց ավագ դպրոցի տնօրեն՝ Արմեն Սիրադեղյանին և կազմակերպիչ՝ Մարթա Գալստյանին:

banak

banak3

SEF2013թ. հունվարին ՀՊՃՀ Վանաձորի մասնաճյուղի ֆիզիկա-մաթեմատիկական թեքումով ավագ դպրոցի տնօրինության կողմից ստացված դիմումի համաձայն՝ Հայաստան համահայկական հիմնադրամի կողմից ավագ դպրոցին 2014թ. դեկտեմբերին տրամադրվել է 3 համակարգիչ  և 1 տպիչ սարք: Բարեգործությունն իրականացրել է  ՍԵՖ Ինտերնեյշնլ Ունիվերսալ  Վարկային Կազմակերպությունը:

   2015թ. հունվարի 21-ին Հայաստան համահայկական հիմնադրամի և ՍԵՖ Ինտերնեյշնլ Ունիվերսալ  Վարկային Կազմակերպության Վանաձորի մասնաճյուղի ներկայացուցիչներն այցելեցին ավագ դպրոց՝ հավաստիանալու կատարված աշխատանքի և տնօրինության հետ քննարկելու ծրագրի կարևորության ու հետագա զարգացման հարցերի մասին: Ընդարձակ լսարանում տեղադրված 3 համակարգիչներից ու տպիչից բացի, այստեղ բավականին տարածություն կա` ժամանակակից զինվածությամբ համակարգչային համալրված լսարան ստեղծելու համար: Մինչ այդ ավագ դպրոցն օգտվել է ճարտարագիտական համալսարանի լաբորատոր բազայից: Այսուհետ համակարգչային լսարանը կտրամադրվի ավագ դպրոցի աշակերտներին՝ ինֆորմատիկա առարկայի դասերը կազմակերպելու համար:

Serog HEH

10818869_817865798254812_244710375_n   Օրերս Հայաստանի պետական ճարտարագիտական համալսարանի (Պոլիտեխնիկ) Վանաձորի մասնաճյուղում հյուրընկալվել էին Հայաստանի երիտասարդական հիմնադրամի (ՀԵՀ) մարզային կենտրոնների համակարգող Հայկ Մամիջանյանը և Լոռու մարզային կենտրոնի համակարգող Վահե Դոխոյանը: Մասնաճյուղի ուսխորհուրդը մի քանի ամիս առաջ հիմնադրամին ներկայացրել էր «ակտիվ ուսանողներ, զարգացող բուհ» դրամաշնորհի հայտ, որը հավանության էր արժանացել ՀԵՀ-ի կողմից. Ուսխորհրդին նվիրաբերվել էր հինգ հարյուր հիսուն հազար դրամ արժողությամբ գույք, որի հանձնման հանդիսավոր արարողությանը ներկա գտնվելու համար մասնաճյուղ էին հրավիրվել ՀԵՀ-ի ներկայացուցիչները: Հանդիպման ընթացքում հյուրերը բարձր գնահատեցին ուսխորհրդի ակտիվ աշխատանքը, միաժամանակ ուրվագծվեցին ՀԵՀ-ի և ՀՊՃՀ Վանաձորի մասնաճյուղի ուսխորհրդի ապագա համագործակցության ծրագրերը: Վերջում մասնաճյուղի ողջ ուսանողության անունից շնորհակալական խոսք ասաց ուսխորհրդի նախագահ Դավիթ Խառատյանը, ով նշեց նաև, որ ստացված գույքը կնպաստի ուսխորհրդի աշխատանքիարդյունավետությանը և ուսանողների ակտիվացմանը:

10849855_849141681802985_9072514308160891558_nՎերջերս ՀՊՃՀ Վանաձորի մասնաճյուղում բուհի ուսանողական խորհրդի և «Հումանիտար առարկաների և մարմնակրթության» ամբիոնի նախաձեռնությամբ անցկացվեց «Բրեյն-ռինգ» ինտելեկտուալ խաղ-մրցույթ: Մրցույթին մասնակցում էր  ութ թիմ, որոնց թվում նաև՝ մասնաճյուղի ավագ դպրոցի թիմը: Միջոցառումը մեծ ոգևորություն էր առաջացրել ուսանողության մեջ: Թեժ և լարված պայքարից հետո հաղթող ճանաչվեց ավագ դպրոցի թիմը, ինչը փոքր-ինչ անսպասելի էր և, իհարկե, շատ ոգևորիչ ապագա ուսանողների համար: Երկրորդ և երրորդ տեղերը համապատասխանաբար զբաղեցրին «Google»  և «ՎձՏ 401Բ»  թիմերը:

Հուսով ենք՝ այս նախաձեռնությունը լավ սկիզբ կլինի այլ հետաքրքիր միջոցառումների համար, որոնց շնորհիվ ուսանողների առօրյան կդառնա ավելի հետաքրքիր և բովանդակալից:

10801899_849141685136318_8001175528671634447_n