Որակի ապահովման և արտաքին կապերի բաժին

Որակի ապահովման և արտաքին կապերի բաժնի հիմնական նպատակը Մասնաճյուղում կրթական, գիտական և վարչական գործընթացների որակի շարունակական բարելավումն ու արդյունավետ կառավարումն է, ինչպես նաև տեղական և միջազգային գործընկերների հետ համագործակցության ընդլայնումը։ Բաժինն ապահովում է կրթական ծրագրերի արդիականացումը՝ համահունչ կրթության և աշխատաշուկայի պահանջներին, կազմակերպում է ուսանողների, դասախոսական ու վարչական կազմի հետադարձ կապի գործընթացները, իրականացնում է տարբեր հետազոտություններ ու գնահատումներ, իսկ արտաքին կապերի ուղղությամբ նպաստում է բուհ-գործատու հարաբերությունների ամրապնդմանը, շարժունության ծրագրերի իրականացմանը, լեզվական և միջմշակութային կարողությունների զարգացմանը՝ բարձրացնելով Մասնաճյուղի ճանաչելիությունն ու վստահությունը թե՛ տեղական, թե՛ միջազգային հարթակներում։

Բաժնի հիմնական գործառույթներն են․

• տարբեր տեսակի հարցումների կազմակերպում,
• ռազմավարական ծրագրով նախատեսված միջոցառումների իրականացման գնահատում,
• նոր կրթական ծրագրերի ներդրման, իսկ առկա ծրագրերի՝ բովանդակային և կառուցվածքային կատարելագործման գործընթացների համակարգում՝ համահունչ կրթության և աշխատաշուկայի պահանջներին,
• պրոֆեսորադասախոսական և վարչական կազմի իրազեկում կրթության որակի ապահովման բարեփոխումների վերաբերյալ,
• ուսանողների բավարարվածության մակարդակի ամենամյա գնահատում կրթական ծրագրերից, դասավանդման որակից և ուսումնական գործընթացի կազմակերպումից, ինչպես նաև արդյունքների ամփոփում ու ներկայացում,
• շրջանավարտների բավարարվածության տարեկան գնահատում և արդյունքների վերլուծություն,
• համագործակցություն ՈԱԱԿ-ի հետ՝ հավատարմագրման և որակի ապահովման պահանջների շարունակական իրազեկման ու տարածման նպատակով։
• համալսարան-գործատու համագործակցության ամրապնդում,
• ակադեմիական և վարչական շարժունության ծրագրերի զարգացում,
• ուսանողների կրեդիտային շարժունության ապահովում,
• մասնագիտական կարողությունների և հմտությունների զարգացման նախագծերի իրականացում,
• ներքին ու արտաքին շահակիցների հետ երկկողմանի հաղորդակցության կազմակերպում։