Փոխտնօրեն

Հասմիկ Վաչագանի Հովհաննիսյանը ծնվել է 1961 թվականի հուլիսի 17-ին՝ Նոյեմբերյանի շրջանի Բագրատաշեն գյուղում, ծառայողի ընտանիքում։

1968 թվականին ընդունվել է և 1978 թվականին ավարտել Նոյեմբերյանի թիվ 6 միջնակարգ դպրոցը։ 1977 թվականին ընդունվել է Կիրովականի Մ. Թավրիզյանի անվան երաժշտական ուսումնարան, որն ավարտել է 1981 թվականին՝ ստանալով դաշնամուրի դասատուի որակավորում։

1982 թվականին ընդունվել է Պյատիգորսկի օտար լեզուների պետական մանկավարժական ինստիտուտը, որը ավարտել է 1987 թվականին՝ «Անգլերեն լեզու» մասնագիտությամբ։

Մինչև 1998 թվականը աշխատել է Կիրովականի թիվ 1 երաժշտական դպրոցում՝ որպես դաշնամուրի դասատու։ 1987–1989 թվականներին համատեղությամբ աշխատել է Կիրովականի շինարարական տեխնիկումում, իսկ 1993–1994 թվականներին՝ ՀՊՃՀ Վանաձորի կրթահամալիրում՝ որպես անգլերեն լեզվի դասախոս։

1996 թվականից մինչ օրս աշխատում է Հայաստանի ազգային պոլիտեխնիկական համալսարանի Վանաձորի մասնաճյուղի «Հումանիտար գիտությունների և մարմնակրթության» ամբիոնում՝ որպես անգլերենի դասախոս։