Հայաստանի Ազգային Պոլիտեխնիկական Համալսարանի

Պետրոս Մելքոնյանի անվան Վանաձորի մասնաճյուղ

Ժամանակակից լաբորատոր բազա

ՀԱՊՀ Վանաձորի մասնաճյուղի լաբորատոր պայմանները թույլ են տալիս ուսանողներին՝ կատարել արդյունավետ հետազոտություններ
Մանրամասն 

Հարուստ պատմություն

ՀԱՊՀ Վանաձորի մասնաճյուղը հիմնադրվել է 1959թ. և մինչ այժմ տվել է շուրջ 9000 շրջանավարտ
Մանրամասն 

Միջազգային ծրագրեր

ՀԱՊՀ Վանաձորի մասնաճյուղը եվրոպական համալսարանների ցանցի անդամ է և ունի բազմաթիվ համագործակից բուհեր ամբողջ աշխարհում
Մանրամասն 

Վերջին նորություններ

Հաշվի առնելով Հայաստանի Հանրապետությունում արտակարգ դրության հայտա­րարման վերաբերյալ ՀՀ կառավարության 2020 թվականի մարտի 16-ի N 298 -Ն որոշման Հավելվածի թիվ VI հոդվածի թիվ 21 կետի պահանջով պայմանավորված, ուսումնական գործընթացի դադարեցման, դրան նախորդած ժամանակահատվածում կորոնավի­րուսի տարածման կանխմանը միտված սույն թվականի մարտի 2-ից մինչև 6-ը և մարտի 13-ին ուսումնական հաստատություններում ուսումնական գործընթացի ընդհատման հանգամանքները, ինչպես նաև ՀԱՊՀ մի շարք ուսանողների կողմից վատառողջության հիմնավորմամբ 2019/20 ուստարվա ժամա­նակացույցով նախատեսված ձմեռային քննաշրջանի ակադեմիական պարտքերի մարման ժամանակահատվածի ոչ լիարժեք օգտագործման փաստը, ՀԱՊՀ ուսանողական խորհրդի և ռեկտորատի ս.թ. մարտի 17-ի նիստի միջնորդությունները, նպատակն ունենալով ստեղծված արտակարգ իրավիճակում Համալսարանի ուսանողների համար ուսումնական գործընթացի իրականացման առավել նպաստավոր պայմաննների ապահովումը`

ՀԱՊՀ Գիտական խորհուրդը որոշում է.

  1. Ժամանակավորապես կասեցնել Համալսարանի բոլոր կրթական ծրագրերով սովորող ուսանողների ակադեմիական ցածր առաջադիմությամբ պայմանավորված հեռացումների գործընթացը:
  2. Արտակարգ դրության ավարտից և Համալսարանում ուսումնական գործընթացի վերսկսումից հետո ակադեմիական պարտքեր ունեցող ՀԱՊՀ բոլոր ուսանողների համար սահմանել մեկշաբաթյա լրացուցիչ լուծարքային ժամանակաշրջան։
  3. Համալսարանի ուսումնական գործընթացի ժամանակացույցով նախատեսված միջանկյալ քննություններն ընթացիկ կիսամյակի համար չեղարկել։ Ուսանողների գիտելիքների կիսամյակային գնահատումն իրականացնել բացառապես քննաշրջանային ամփոփիչ քննությունների կազմակերպմամբ՝ կիրառելով գումարային 100 միավորանոց ռեյթինգային սանդղակը։
  4. Ընթացիկ տարվա շրջանավարտների ավարտական աշխատանքների, մագիստրոսական թեզերի և ատենախոսական աշխատանքների ղեկավարման գործընթացը կազմակերպել առցանց՝ առավելագույնս կիրառելով էլեկտրոնային գործիքամիջոցները՝ պահպանելով վերոնշյալ ժամանակացույցով նախատեսված ժամկետային պահանջները։

Հղում՝ ՀԱՊՀ Գիտական խորհրդի որոշում

Հաշվի առնելով կորոնավիրուսային հիվանդության պատճառով երկրում ստեղծված իրադրությունը Հայաստանի ազգային պոլիտեխնիկական համալսարանում ստեղծվում է առցանց ուսուցման համար նախատեսված դասախոսությունների ու գործնական աշխատանքների հարթակ: Այն հասանելի կլինի Պոլիտեխնիկի ավագ դպրոցի, քոլեջի, ինչպես նաև ուսանողության համար:

Ստեղծված աննախադեպ իրավիճակում կրթության կազմակերպման անհրաժեշտությունից ելնելով՝ մարտի 13-ին, Պոլիտեխնիկի ղեկավարությունը քննարկել է առցանց ուսուցման հարթակի հրատապ և ամբողջ ծավալով ներդնելու ու շահագործելու հարցը։

Պոլիտեխնիկական համալսարանի կողմից ստեղծված աշխատանքային խումբը նույն պահից աշխատելով հատուկ ռեժմինով արդեն շաբաթվա ավարտին կապահովի հարթակի գործունեությունը։

Համալսարանում արդեն իսկ ստեղծվել է ուսուցման համակարգի համար նախատեսված դասախոսությունների և գործնական աշխատանքների տեսանկարահանման միջավայրը։

Շաբաթվա ավարտին դասախոսությունները հասանելի կլինեն աշակերտներին և ուսանողությանը` www.polytech.am-ում ստեղծված առանձին համակարգում իրենց գաղտնաբառով:

Սիրելի ուսուցիչներ և աշակերտներ հաշվի առնելով Հայաստանի Հանրապետությունում ի հայտ եկած դրությունը և երկրում Արտակարգ դրության սահմանումը ԿԳՄՍ-ն նախաձեռնում և իրականացնում է մի շարք ծրագրեր, որոնք միտված են ուսումնական գործընթացի անընդհատությունն ապահովելուն: Նախարարի մամուլի ասուլիսից տեղեկացանք` հղումը ստորև… https://www.facebook.com/TERTam.arm/videos/2568376350087823/ , որ նախաձեռնվել են մի շարք միջոցառումներ, որոնք կօգնեն մեր աշակերտներին զբաղվել իրենց կրթությամբ՝ մասնավորապես խրախուսվում է հեռավար ուսուցումը ցանկացած հնարավոր գործիքներով և միջոցներով: Նախարարության կողմից ներկայացվում են հետևյալ եղանակները նաև. ԿՏԱԿ-ի կայքում ստեղծված է heravar.armedu.am պորտալը, որտեղ հավաքված են հեռավար ուսուցման վերաբերյալ ինֆորմացիաներ, հաջորդ կարևոր տեղեկությունը՝ Հանրային հեռուստաընկերության եթերում ժամը 8:30-9:30 և 11:30-12:40 կլինեն դասեր, դասախոսություններ, Ucom ընկերության հետ համագործակցության շրջանակներում կլինի հատուկ ալիք, որտեղ 24 ժամ շարունակ լինելու են համապատասխան դասընթացներ, ունենալու ենք նոր առանձին յութուբյան ալիք, որտեղ նորից կլինեն տարբեր նյութեր, դասեր և դասընթացներ, Ucom-ի բոլոր բաժանորդները կօգտվեն այդ ալիքի նյութերից անվճար:
Այս արտակարգ դրության պայմաններում հարկավոր է լրջորեն մոտենալ կրթության գործընթացի կազմակերպմանը, լինեն նախաձեռնող և անմիջական մասնակից: Ակնկալում ենք մեր ավագ դպրոցի աշակերտների ակտիվությունը և ինքնակրթությամբ զբաղվելու ցանկությունը:
Չենք մոռանում իհարկե պահպանել հիգիենայի կանոնները և մնալ տանը: Առողջություն բոլորին…
Հարգանքներով ՀԱՊՀ Վանաձորի մասնաճյուղի տնօրինություն…

ՀԱՊՀ Վանաձորի մասնաճյուղում փետրվարի 19-ին տեղի ունեցավ «Բաց լաբորատոր-2020» գիտահանրամատչելի  ակցիան: Այն աշխարհում լայնածավալ ամենամեծ գիտական ​​ակցիան է,  որն անցկացվում է մի շարք երկրներում: Այն ուղղված է ռուսական և համաշխարհային գիտության հանրայնացմանը: Հայաստանում այն անցկացվում է երեք քաղաքներում՝ Երևանում, Գյումրիում և Վանաձորում՝ Գյումրու Ռուսաստանի կրթության և մշակույթի  կենտրոնի և «Լուսավորչական նախագծերի լաբորատորիա» ոչ առևտրային կազմակերպության աջակցությամբ:

Ակցիային մասնակցում էին ՀԱՊՀ Վանաձորի մասնաճյուղի ավագ դպրոցի աշակերտներն ու ուսանողները, ինչպես նաև՝  մի շարք ավագ դպրոցների աշակերտներ և քոլեջների ուսանողներ:

Միջոցառման ավարտին բոլոր մասնակիցները ստացան հավաստագրեր, իսկ առաջին երեք տեղերն զբաղեցնող մասնակիցներին որպես պարգև տրվեցին վկայագրեր և գրքեր: Նշենք, որ առաջին երեք տեղերը զբաղեցրին ՀԱՊՀ Վանաձորի մասնաճյուղի ավագ դպրոցի աշակերտները:

Հատուկ շնորհակալագրով պարգևատրվեց ՀԱՊՀ Վանաձորի մասնաճյուղի տնօրեն տ.գ.թ., դոցենտ Արմեն Խառատյանը՝ նմանատիպ բազում միջոցառումներին և ակցիային մեծապես աջակցելու համար:

ՀԱՊՀ Վանաձորի մասնաճյուղը հյուրընկալեց «Դասավանդի՛ր Հայաստան» ծրագրի ներկայացուցիչներին, ովքեր ներկայացրին ծրագրի առաքելությունը, դիմելու կարգը և հետագա գործունեությունը։

Տարիների համագործակցության փորձը ցույց է տվել, որ Պոլիտեխնիկի շրջանավարտներն իսկապես առանձնացել են իրենց մասնագիտական որակներով, կարողություններով և ստեղծագործական ունակություններով: Նշենք, որ բացի դասավանդվող առարկաներից՝ ունակ են ղեկավարել նաև ռոբոտաշինական, ձեռնարկատիրական և այլ խմբակներ: 

Այս ծրագրի շրջանակներում ուսանողները հնարավորություն ունեն կերտելու իրենց կարիերան, դառնալու կայացած մասնագետներ, փայլուն առաջնորդական հմտություններով ուսուցիչներ: «Դասավանդի՛ր Հայաստան» ծրագիրը հավաքագրում և վերապատրաստում է համալսարանների շրջանավարտներին որպես ուսուցիչներ, այնուհետև երկու տարով գործուղում Հայաստանի մարզային դպրոցներ, որտեղ կա նրանց մասնագիտությամբ ուսուցիչների կարիք։ Ծրագրի առանձնահատկությունն այն է՝ պարտադիր չէ, որ մասնակիցը մասնագիտությամբ լինի մանկավարժ, միայն հարկավոր է ունենալ դասավանդելու և Հայաստանի զարգացմանը նպաստելու ցանկություն:

Հուսով ենք, որ ՀԱՊՀ Վանաձորի մասնաճյուղի ուսանողներն իրենց որոշակի ներդրումը կունենան այս ծրագրում՝ կիրառելով իրենց համալսարանական գիտելիքները:

Ռոտերդամ Հոգսքուլի Քաղաքաշինության բաժինը (Կիրառական Գիտությունների  Համալսարան) և ՀԱՊՀ Վանաձորի մասնաճյուղը իրենց բակալավրիատի դասընթացների համար նախընտրում են ICN Group-ի անդամ ICN Solutions-ի և ArchiDutch-ի  3D CAD-ի, մոդելավորման և վիրտուալ շինարարության փորձագիտությունը:

ICN Solutions-ի և ArchiDutch-ի փորձագիտության ներդրումը համալսարաններում ապահովում է ուսանողների և դասախոսների համար դասընթացներ՝  նախատեսված  գերժամանակակից ծրագրերի ուսուցման և BIM տեխնոլոգիաների կիրառման համար: Այս նպատակով կազմվել է տասնմեկ տարբեր դասընթացների համընդհանուր ծրագիր, որն ընդգրկում է բակալավրիատի առաջին երեք տարիները:

ICN Solutions-ի քաղաքաշինության և ՏՏ ոլորտի փորձագետները դասընթացի ամբողջ չորս տարիների ընթացքում ուսանողներին և դասախոսներին կաջակցեն գործնական առաջադրանքների  այսպես կոչված BIM Hub-ի շրջանակներում ։

Ամեն տարի շուրջ 100 ուսանող ավարտում է Հոգսքուլ Ռոտերդամի քաղաքաշինության բաժինը: Քաղինժեներները նախագծում, կազմակերպում և կառուցում են հանրային և ենթակառուցվածքային խոշոր աշխատանքների հիմնական մասը: Ապագայում քաղաքաշինական աշխատանքների մեծ կարիք կլինի՝ կլիմայական փոփոխություններից կախված: Հոլանդական ընկերություններն ու ինժեներները առաջատար են այս ոլորտում, և այդ պատճառով միջազգային նախագծերում մեծանում է նրանց ներգրավվածութունը :

Գիտելիքների և հմտությունների ասպարեզում առաջատար դիրքը պահելու նպատակով՝ Հոգսքուլ Ռոտերդամի  ուսանողները և դասախոսները մշտապես զբաղվում են ինքնազարգացմամբ՝  շնորհիվ ICN Solutions-ի կողմից պարբերաբար կազմակերպած դասընթացների։ Արդյունքում նրանք հմտանում են Autodesk Revit, Infraworks, Civil 3D-ի, Navisworks  և այլ ծրագրերի  կիրառման մեջ: Սա նրանց հնարավորություն է տալիս նախագծել վիրտուալ, կառուցել և օպտիմալացնել շինարարական և ենթակառուցվածքային աշխատանքներ` փաստացի և՛ շինարարությունից առաջ,  և՛ շինարարության ընթացքում: Այս դասընթացի կարևորագույն մաս են կազմում Autodesk BIM 360-ի, վիրտուալ և լրացված իրականության, ամպահիմք համագործակցության և 3D վիզուալիզացիայի (պատկերացում) վրա հիմնված առավել նորարարական տեխնիկական լուծումների և BIM տեխնոլոգիաների տիրապետումը: Հոգսքուլ Ռոտերդամի և ICN Solutions-ի համատեղ ուժերով քաղաքաշինության բաժնի բակալավրիատը ապահովում է այս ոլորտում ուսանողների և դասախոսների կրթության ավելի բարձր մակարդակ: Նրանք հնարավորություն են տալիս ուսանողներին գերազանցել նույնիսկ իրենք իրենց այժմ և հետագայում՝ որպես կայացած մասնագետներ:

ICN Group-ի անդամ ArchiDutch ընկերությունը արդեն մեկ տարի է, ինչ իրականացնում է տիպային կրթական ծրագիր ՀԱՊՀ Վանաձորի մասնաճյուղի       «Շինարարություն» մասնագիտության ոլորտում: Նախատեսվում է ծրագրային բարեփոխումներ նաև համալսարանի այլ հարակից ոլորտներում։ Դասընթացի նպատակն է հայ ուսանողներին փոխանցել միջազգային փորձ, եվրոպական շուկայում աշխատելու գիտելիքներ, BIM տեխնոլոգիաներին ծանոթացում և իրականացնել դրանց կիրառությունը նաև Հայաստանում։

ՀԱՊՀ Վանաձորի մասնաճյուղում «Ձեռնարկությունների տնտեսագիտություն և կառավարում» մասնագիտության երրորդ կուրսի ուսանողների հետ ներդրումների և նորամուծությունների կառավարում առարկայից տեղի ունեցավ գործարար խաղ «ՀԱՊՀ Վանաձորի մասնաճյուղի ուսանողների պահանջմունքների բավարարման համար` ներդրումային նախագծի մշակում» թեմայով։

Աշխատանքի հեղինակն էր դասախոս Արուսյակ Մադոյանը, ում խոսքերով, խաղի նպատակն էր ուսանողների մոտ ձևավորել թիմում աշխատելու ունակություն, հաղորդակցման հմտություն, սերմանել աշխատանքի նկատմամբ պատասխանատվություն, փոխօգնություն, նաև՝ տեսական գիտելիքների պրակտիկ կիրառություն։
Առանձնահատկությունն այն էր, որ բոլոր ուսանողներն ունեին համահավասար դեր` վերջնական արդյուք ստանալու մեջ, որն ընտրված էր իրենց խառնվածքը և նախասիրությունները հաշվի առնելով։

Ուսանողները, կատարելով հարցումներ, պարզել էին, որ Մասնաճյուղի ուսանողները կարիք ունեն արագ սննդի կետի, որից կարող են գնել թարմ և համեղ սնունդ։ Երկու թիմերն էլ նույն պահանջմունքի բավարարման համար ներկայացրել էին 2 միանգամայն տարբեր նախագծեր։ Առաջին թիմը ներկայացրել էր համալսարանի ներսի ճաշարանը շահագործելու նախագիծ, որը` բացի սննդի կետ լինելուց, նաև ուսանողներին առաջարկում է զանազան խաղեր, ինտերակտիվ ժամանց և օնլայն պատվերի հնարավորություն։
Երկրորդ թիմը առաջարկում էր շարժական արագ սննդի կետ, որը առանձնանում էր նմանատիպ նախագծերից սպասարկման մոտեցմամբ և ուտեստների նորարարական տեսականիով: Հիմնական առանձնահատկությունն այն էր, որ հերթերից խուսափելու համար սննդի կետը բաժանված էր 2 մասի, մեկը՝ ըմպելիքներ և քաղցրավենիք, մյուսը՝ տաք սնունդ։

Ամփոփելով կատարված աշխատանքը՝ ելույթ ունեցան ՀՃԱ իսկական անդամ, տ․գ․թ․ դոցենտ տնօրեն Արմեն Խառատյանը, տնտ․գ․թ․ դոցենտ ամբիոնի վարիչ Լուսինե Աղաբաբյանը, դասախոս Կալիպսե Մնացականյանը և Ասյա Հովհաննիսյանը, ովքեր նշեցին, որ նման թիմային աշխատանքները շատ կարևոր են մասնագիտական գիտեիքների խորացման համար, խոսեցին թեմայի արդիականության և ժամանակից պահանջներին համապատասխանության մասին։

Ավագ դպրոցների հետ համագործակցության պայմանագրի շրջանակներում՝ Վանաձորի թիվ 11 ավագ դպրոցի աշակերտներն այցելեցին ՀԱՊՀ Վանաձորի մասնաճյուղ՝ մասնագիտական կողմնորոշման նպատակով:

Աշակերտները շրջեցին տեխնիկապես գերհագեցած լաբորատորիաներով, ծանոթացան սարքավորումներին, այցելեցին ռոբոտաշինության, հեռահաղորդակցման և սարքավորումներով հագեցած լաբորատորիաներ: Մինչ լաբորատոր փորձեր կատարելը, արտաքին կապերի համակարգող Տաթևիկ Մարգարյանը աշակերտներին ներկայացրեց Պոլիտեխնիկի հնարավորությունները, գործընկերային կապերը, աշխատանքի տեղավորման հեռանկարները: Մեքենագիտության, ֆիզիկայի և էլեկտրատեխնիկայի լաբորատորիայում աշակերտներն ականատես եղան նորագույն սարքավորումների փորձերին: Ռոբոտաշինության լսարանում խմբակի վարիչ Արաքսյա Բալյանը աշակերտներին ծանոթացրեց ռոբոտաշինության խմբակի աշխատանքներին, աշակերտները ծանոթացան նաև «Ռոբոտեքս 2019»  միջազգային ռոբոտաշինական մրցույթին մասնակցած «Վալի» ռոբոտի և դրա գործունեության հետ:

Ավագ դպրոցի աշակերտները տեղեկատվական հանդիպման ընթացքում կարողացան ընդլայնել գիտելիքները ինժեներական ոլորտում, կողմնորոշվեցին, թե ինչպես ճիշտ օգտագործել իրենց ներուժը տվյալ ոլորտում: Վերջում այցելեցին Վանաձորի տեխնոլոգիական կենտրոն, այնտեղ տեղակայված ընկերություններ, որտեղ մեծամասամբ աշխատում են ՀԱՊՀ Վանաձորի մասնաճյուղի աշակերտները, ուսանողները և շրջանավարտները:

ՀԱՊՀ Վանաձորի մասնաճյուղում տեղի ունեցավ հանդիպում «ԱյԴի Բանկ» ՓԲԸ-ի ներկայացուցիչների հետ՝ նվիրված քարտային մշակույթին։

Ուսանողների համար կազմակերպված տեսական ու միաժամանակ կիրառական նշանակություն ունեցող դասախոսության ընթացքում ուսանողները ծանոթացան քարտերի ծագման պատմությանն ու դրանց կիրառելիությանը, դեբետային և կրեդիտային  վճարային քարտերի տարբերություններին։

Բանկի աշխատակիցները խոսեցին նաև Idram Rocket Visa քարտի մասին, որը մեծ հետաքրքրություն առաջացրեց բուհի ուսանողների շրջանում։ Ակտիվ հարց ու պատասխանից հետո, որի ընթացքում բանկի աշխատակիցները կիսվեցին նաև իրենց աշխատանքային փորձով, ուսանողները բանկի կողմից որպես նվեր ստացան Idram Rocket Visa քարտերը։ Բանկը նաև անակնկալ նվեր էր պատրաստել, որը բաժին հասավ մեկ  երջանիկի։

  Բուհը ողջունում է նմանատիպ նախաձեռնություններն ու նախատեսում է հետագայում ևս նմանատիպ այլ դասախոսություններ անցկացնել։ Շնորհակալություն ենք հայտնում  «ԱյԴի Բանկ» ՓԲԸ-ին՝ համագործակցության համար։

 

 

 

Գիտելիքի և դպրության տոնին ՀԱՊՀ Վանաձորի մասնաճյուղն իր դռներն էր բացել  բակալավրի և մագիստրատուրայի առաջին կուրսեցիների, ավագ դպրոցի 10-րդ դասարանի աշակերտների համար: Այսօր Պոլիտեխնիկում ազդարարվեց  ուսումնական տարվա սկիզբը, որը նաև գիտելիքներով հարստանալու, իրական արժեքներ ճանաչելու եւ նոր նպատակներ կյանքի կոչելու սկիզբ է: Առանձնակի ջերմությամբ շնորհավորեցինք բոլոր նրանց, ովքեր առաջին անգամ էին ոտք դնում ՀԱՊՀ Վանաձորի մասնաճյուղ: Հանդիպումն սկսվեց Պոլիտեխնիկի օրհներգով:

Գիտելիքի տոնի կապակցությամբ ուսանողներին շնորհավորեց ՀԱՊՀ Վանաձորի մասնաճյուղի տնօրեն Արմեն Խառատյանը. «Շնորհավորում ենք ձեզ Գիտելիքի և դպրության օրվա առթիվ: Տոնական այս օրը առիթ է տալիս կրթության գործընթացի բոլոր մասնակիցներին՝ աշակերտից մինչև տնօրեն, ասպիրանտից մինչև պրոֆեսոր` վերագնահատելու գիտելիքի կարևորությունն ինչպես յուրաքանչյուր անձի բարեկեցության, այնպես էլ պետության զարգացման ու հզորացման գործընթացում: Դուք ընդունվել եք Հայաստանի հզորագույն ճյուղային կառուցվածք ունեցող ինժեներական բուհը, որն ունի միջազգային հավատարմագրում: Մեր բուհը կրթական բարեփոխումների առաջնեկն է Հայաստանում, ուստի դուք ունեք լայն հնարավորություններ կերտելու ձեր ապագան և կարիերան»: 

Ուսանողներին և աշակերտներին շնորհավորեց  նաև Հայ-Թեք Գեթվեյ ընկերության Վանաձորի մասնաճյուղի տնօրեն, Պոլիտեխնիկի շրջանավարտ Սվետա Ջաղացպանյանը, ով ներկայացրեց իր հաջողության ուղին և ոգևորեց Պոլիտեխնիկի ուսանողներին լինել առաջադեմ, նպատակասլաց և հեռանկարային: Շնորհավորանքներին միացան ավագ դպրոցի տնօրեն Արմեն Սիրադեղյանը, ավագ դպրոցի փոխտնօրեն Հասմիկ Հովհաննիսյանը, ուսանողական խորհրդի նախագահ Տիգրան Գասպարյանը, Որակի ապահովման և արտաքին կապերի բաժնի ղեկավար Վահան Մամյանը:

Ավագ դպրոցի փոխտնօրենը բարձր առաջադիմություն ցուցաբերած աշակերտներին հանձնեց գովասանագրեր:

Միջոցառման ավարտից հետո Մասնաճյուղում մեկնարկեց 2019-2020 տարվա ուսումնական գործընթացը: