ՊԱՏՄՈՒԹՅՈՒՆ
Ամբիոնն ստեղծվել է 2007թ.-ի ապրիլին: Նորաստեղծ ամբիոնում ի սկզբանե հետևողական գտնվեցին ուսումնական գործընթացը ժամանակակից պահանջներին, մասնաճյուղի զարգացման ռազմավարական պլանավորման ցուցանիշներին համապատասխանեցնելու ուղղությամբ: Գործում են ուսումնագործնական աշխատանքների երկու լաբորատորիա: Ամբիոնի մասնագիտական առարկաների զգալի մասը կատարվում է անմիջապես Վանաձոր քաղաքի և նրա մերձակայքի ճանապարհային ցանցում, «Վանաձոր» երկաթուղային կայարանի ստորաբաժանումներում:
Նկատելի ուշադրություն է դարձվում ուսումնական գործընթացի մեթոդական ապահովման հարցերին: Ամբիոնում մշակվել և հրատարակվել են շուրջ 23 ուսումնա-մեթոդական աշխատանքներ, ուսանողներին կողմնորոշող ցուցումներ:
Ամբիոնի պրոֆեսորա-դասախոսական անձնակազմի կողմից շարունակաբար կատարվում են գիտական աշխատանքներ, որոնց արդյունքում հրատարակվել են 100-ից ավելի գիտական հոդվածներ ու հեղինակային վկայականներ, ստացվել է 2 գյուտի արտոնագիր: Մշակվել և կիրառվում են էլեկտրոնային ուսուցման փաթեթներ: Որոշակի քայլեր են կատարվում վիրտուալ լաբորատոր փաթեթների ստեղծման, դրանց ձեռքբերման և ուսումնական գործընթացում կիրառելու ուղղությամբ:
Ամբիոնը մասնագետներ է թողարկում «Տրանսպորտային համակարգեր» մասնագիտության գծով «Փոխադրումների և ճանապարհային երթևեկության կազմակերպում և կառավարում» բակալավրական ծրագրով:
Ուսանող-արտադրություն կապն ամրապնդելուն, ապագա շրջանավարտի ինտեգրացումը աշխատուժի շուկայում դյուրացնելու նպատակին են միտված հետզհետե սերտացող հարաբերությունները գործընկեր ձեռնարկությունների հետ: «Սլացք» տրանսպորտային ձեռնարկության, «ՄիլԱրեն» ՍՊԸ-ի, «Դիկտիս» ՍՊԸ-ի, Վանաձորի քաղաքապետարանի, Վանաձորի ավտոկայանի և ՀՀ ճանապարհային ոստիկանության 2-րդ սպայական գնդի 5-րդ գումարտակի հետ համատեղ աշխատանք է տարվում արտադրական պրակտիկաների, դիպլոմային և կուրսային նախագծերի կատարման փորձարարական և տեսական մակարդակների բարձրացման, արդյունքում՝ ուսանողի գիտելիքների ըստ ամենայնի խորացնելու ուղղությամբ: Այդ ձեռնարկություններում ուսանողների համար կազմակերպվել են մասնաճյուղ-լաբորատորիաներ:
ՄԱՍՆԱԳԻՏՈՒԹՅՈՒՆՆԵՐ
Ճարտարագետ-բակալավրի ծրագրով.
- Տրանսպորտային ուղիների, միջոցների շինարարություն, կառավարում և դրանց շահագործում:
- Փոխադրումների և ճանապարհային երթևեկության կազմակերպում և կառավարում, առկա, հեռակա:
Մասնագիտացումներ. Երթևեկության կազմակերպում և անվտանգություն, Փոխադրումների կազմակերպումն ավտոմոբիլային տրանսպորտում:
Մասնագիտությունների պահանջարկը պայմանավորված է տրանսպորտի և փոխադրումների կառա-վարման ոլորտում գործող կազմակերպությունների կարիքներով, տարածաշրջանային խնդիրներով:
ԳՈՐԾԸՆԿԵՐՆԵՐ (Հնարավոր գործատուներ)
- “Սլացք” ՓԲԸ
- Ճանապարհային ոստիկանություն
- “Միլարեն” ՍՊԸ
- “Դիկտիս” ՍՊԸ
- Վանաձորի ավտոկայան
- Վանաձորի քաղաքապետարան
- ՀՀ Մաքսային ծառայություն
- Ներհանրապետական և միջպետական ուղևորա- և բեռնափոխադրումներ իրականացնող ընկերություններ
- Ավտոնորոգման և սպասարկման կազմակերպություններ:
Պրակտիկա
Պրակտիկաների կազմակերպում, մասնակցություն մասնագիտական պետական քննական, ավարտական աշխատանքների պաշտպանության որակավորման հանձնաժողովների աշխատանքներին, ամբիոնի մասնաճյուղերի ստեղծում, լավագույն շրջանավարտների աշխատանքի տեղավորում:
Ավարտական աշխատանքի պաշտպանություն
ՈՒՍՈՒՄՆԱԿԱՆ ԳՈՐԾԸՆԹԱՑ
Ամբիոնի լավագույն շրջանավարտներն ուսումը շարունակում են ՀՊՃՀ և ՀՀ այլ առաջատար բուհերի մագիստրատուրայում, ասպիրանտուրայում, ստանալով մագիստրոսի, ճարտարագետ-հետազոտողի որակավորում:
Լաբորատորիաներ. Տրանսպորտային միջոցների կառուցվածքի և շահագործման, Փոխադրումների և ճանապարհային երթևեկության կազմակերպման:
Գործընթացներ, հաջողություններ, նախագծեր
- Գիտելիքների գնահատման կրեդիտային համակարգ՝ 2008թ.-ից, որը նպաստում է ակադեմիական շարժունակությանը (օրինակ՝ 2013թ.-ին ամբիոնի շրջանավարտը փոխանակման ծրագրով սովորում է Իտալիայի Թուրինի համալսարանի մագիստրատուրայում):
- Ուսումնական գործընթացում տեղեկատվական տեխնոլոգիաների կիրառում, ներառյալ գնահատման համակարգում՝ էլեկտրոնային քննություն:
- Ձեռնարկվող քայլեր՝ վիրտուալ լաբորատոր փաթեթ-սարքավորումների ձեռքբերման և ուսումնական գործընթացում կիրառելու ուղղությամբ:
- Շրջանավարտներ՝ ԱԺ պատգամավոր, համայնքների ղեկավարներ և ավագանու անդամներ, գործարանների տնօրեններ, արտադրության կազմակերպիչներ, տրանսպորտի, փոխադրումների կազմակերպման և կառավարման և այլ ոլորտներում առաջատար մասնագետներ:
