Պետրոս Մելքոնյանի անվան Վանաձորի մասնաճյուղ

Ժամանակակից լաբորատոր բազա

ՀԱՊՀ Վանաձորի մասնաճյուղի լաբորատոր պայմանները թույլ են տալիս ուսանողներին՝ կատարել արդյունավետ հետազոտություններ
Մանրամասն 

Հարուստ պատմություն

ՀԱՊՀ Վանաձորի մասնաճյուղը հիմնադրվել է 1959թ. և մինչ այժմ տվել է շուրջ 9000 շրջանավարտ
Մանրամասն 

Միջազգային ծրագրեր

ՀԱՊՀ Վանաձորի մասնաճյուղը եվրոպական համալսարանների ցանցի անդամ է և ունի բազմաթիվ համագործակից բուհեր ամբողջ աշխարհում
Մանրամասն 

Նոյեմբերի 17-ը Ուսանողների միջազգային օրն է, այն համարվում է նաև ուսանողների խորհրդանշական համախմբման օր:

Ամենամյա այս տոնը յուրաքանչյուր բուհ նշում է իր մտահղացումներով ու պայծառ գաղափարներով: Հայաստանի ազգային պոլիտեխնիկական համալսարանի Վանաձորի մասնաճյուղը, ունենալով տեխնիկական ուղղվածություն, նույնպես անմասն չմնաց այս իրադարձությունից: ՀԱՊՀ Վանաձորի մասնաճյուղի  ուսանողական խորհուրդը, նշելով ուսանողության տոնը, մի սկզբունք է որդեգրել, այն է՝ տոնի առթիվ սրտաբուխ շնորհավորել մեկը մյուսին, բացահայտել նոր տաղանդներ, մշակութային եռուզեռ, տոնական տրամադրություն հաղորդել բոլորին:

Տոնը կարծես թե ևս մեկ անգամ շեշտում է ուսանողության երիտասարդ լինելու և իրենց ներուժն առավել արդյունավետ օգտագործելու կարևորությունը: Տոնը թերևս ամենապայծառ, ամենալավատեսական տոներից մեկն է, քանի որ մեր ազգի լավագույն մասը կազմում են հենց ուսանողները, ովքեր ոչ միայն ազգի հույսն են, այլև վաղվա օրն ու գալիքի՝ պայծառ ապագայի երաշխիքը:

Տոնի առիթով ՀԱՊՀ Վանաձորի մասնաճյուղի ուսանողները կազմակերպել էին համերգային ծրագիր, ձեռքի աշխատանքների ցուցահանդես, որոնք արժանացան պրոֆեսորադասախոսական անձնակազմի, հանդիսատեսի հավանությանը և բարձր գնահատմանը:

ՀԱՊՀ Վանաձորի մասնաճյուղի տնօրեն Արմեն Խառատյանը շնորհավորեց ուսանողությանը, նշելով. «Ուսանողությունը երկրի շարժիչ ուժն է, նոր գաղափարները, նոր աշխատանքները գեներացվում են ուսանողների կողմից: Պոլիտեխնիկի ուսանող լինելը մեծ արժեք և պարտավորություն է ազգի, երկրի ու հասարակության հանդեպ: Մաղթում եմ, որ ուսանողական տարիները ուսանողները լավագույնս օգտագործեն իրենց ուսումնառության, գիտելիքների զարգացման համար, որպեսզի կարողանան հետագայում իրենց ուժը ներդնել հայրենիքի զարգացման գործում:  Մաղթում եմ նաև համալսարանական գիտակից ու անմոռաց տարիներ, ստեղծագործական մեծ եռանդ և բեղուն գործունեություն, այս տարիները թող լինեն բովանդակալից, ունենաք գեղեցիկ և բերկրալից կյանք»:

ՀԱՊՀ Վանաձորի մասնաճյուղի ուսանողները և աշակերտները, թերևս ստանում են տեխնիկական կրթություն, սակայն այս օրը նրանք աչքի ընկան իրենց ստեղծագործական հմտություններով և տաղանդներով:

Պատասխանել

Ձեր էլ. փոստի հասցեն չի հրապարակվելու: Պարտադիր դաշտերը նշված են *-ով